சினிமா
விஜய்

ஆஸ்கர் விருது வென்ற பாராசைட் திரைப்படம் விஜய் படத்தின் காப்பியா?

Published On 2020-02-11 07:24 GMT   |   Update On 2020-02-11 07:32 GMT
சிறந்த திரைப்படம் உள்பட 4 ஆஸ்கர் விருதுகளை வென்ற பாராசைட் திரைப்படம் விஜய் படத்தை காப்பியடித்து எடுக்கப்பட்டுள்ளதாக சமூக வலைதளங்களில் தகவல் பரவி வருகிறது.
ஆஸ்கர் விருது விழா அமெரிக்காவில் உள்ள லாஸ் ஏஞ்சல்ஸ் நகரில் நேற்று கோலாகலமாக நடைபெற்றது. இதில் கொரியன் படமான பாராசைட் நான்கு ஆஸ்கர் விருதுகளை வென்றது. சிறந்த திரைப்படம், திரைக்கதை, வெளிநாட்டு படம், இயக்குனர் ஆகிய நான்கு பிரிவுகளில் அப்படத்திற்கு விருதுகள் வழங்கப்பட்டன. ஆங்கிலம் அல்லாத பிற மொழியில் எடுக்கப்பட்டு சிறந்த திரைபடத்துக்கான ஆஸ்கர் விருதை வென்று பாராசைட் படம் வரலாறு படைத்துள்ளது.



பாராசைட் திரைப்படத்திற்கு பாராட்டுகள் குவிந்து வரும் நிலையில், அப்படத்தின் கதை, விஜய் நடிப்பில் கடந்த 1999-ம் ஆண்டு வெளியான ‘மின்சார கண்ணா’ திரைப்படத்தின் கதையை தழுவி இருப்பதாக சமூக வலைதளங்களில் செய்திகள் பரவி வருகின்றன. மேலும் காப்பியடித்து எடுக்கப்பட்ட படத்திற்கு இத்தனை விருதுகளா என கிண்டலடித்து நெட்டிசன்கள் மீம்ஸ் போட்டு வருகின்றனர். 
Tags:    

Similar News