சினிமா
விஜய் சேதுபதி படத்தில் பாடிய ஸ்ருதிஹாசன்
எஸ்.பி.ஜனநாதன் இயக்கத்தில் விஜய் சேதுபதி நடிப்பில் உருவாகி வரும் லாபம் படத்தில் ஸ்ருதிஹாசன் பாடல் ஒன்றை பாடியுள்ளார்.
விஜய் சேதுபதி மற்றும் ஸ்ருதிஹாசன் இணைந்து நடித்து வரும் படம் 'லாபம்'. இயற்கை, ஈ, பேராண்மை, புறம்போக்கு உள்ளிட்ட அறமும் அரசியலும் சார்ந்த படங்களை கொடுத்து தேசிய விருது வென்ற இயக்குனர் எஸ்.பி.ஜனநாதன் இப்படத்தை இயக்குகிறார்.
இந்த படத்தில் இருந்து விஜய் சேதுபதியின் லுக் மற்றும் போஸ்டர் ஏற்கெனவே வெளியாகி வரவேற்பை பெற்றது. இந்நிலையில் இந்த படத்துக்காக ஸ்ருதி ஹாசன் பாடிய ஒரு ரொமாண்டிக் பாடல் ஒன்று பதிவு செய்யப்படுள்ளது.
இதன் வரிகளை பாடலாசிரியர் யுகபாரதி எழுதி உள்ளார். இந்த ரொமாண்டிக் மெலடி பாடலை எப்போது ரிலீஸ் செய்யப்போகிறோம் என்று ஆர்வமாக காத்திருப்பதாக இசையமைப்பாளர் டி.இமான் ட்வீட் செய்துள்ளார்.