சினிமா
ரஜினியை தொடர்ந்து அஜித்துடன் இணையும் பாலிவுட் நடிகை?
வினோத் இயக்கத்தில் உருவாகி வரும் வலிமை படத்தில் அஜித்துக்கு ஜோடியாக பிரபல பாலிவுட் நடிகை நடிக்க உள்ளதாக தகவல் வெளியாகியுள்ளது.
'நேர்கொண்ட பார்வை' படத்துக்கு பின் வினோத் இயக்கத்தில் 'வலிமை' படத்தில் அஜித் நடித்து வருகிறார். போனிகபூர் தயாரிக்கும் இப்படத்தில் அஜித் தவிர வேறு யாரெல்லாம் நடிக்கிறார்கள் என்பது இதுவரை அதிகாரப்பூர்வமாக அறிவிக்கப்படவில்லை. குறிப்பாக அஜித்தின் ஜோடியாக யார் நடிக்கப் போகிறார்கள் என்ற எதிர்பார்ப்பு ரசிகர்கள் மத்தியில் அதிகமாக உள்ளது.
விஸ்வாசம் படத்தைத் தொடர்ந்து இப்படத்திலும் அஜித்துக்கு ஜோடியாக நயன்தாராவே நடிக்க இருப்பதாக முதலில் கூறப்பட்டது. பின்னர் நஸ்ரியா, யாமி கவுதம், இலியானா ஆகியோரது பெயர்கள் அடிபட்ட நிலையில், ரஜினிக்கு ஜோடியாக காலா படத்தில் நடித்த ஹூமா குரோஷி வலிமை படத்தில் அஜித்துக்கு ஜோடியாக நடிக்க உள்ளதாக தகவல் வெளியாகியுள்ளது.
முன்னதாக அஜித் நடித்த பில்லா 2 படத்தில் ஹூமா குரோஷி நடிப்பதாக இருந்தது, சில காரணங்களால் அவர் அப்படத்தில் நடிக்க முடியாமல் போனது குறிப்பிடத்தக்கது.