தர்பார் படத்தின் சாட்டிலைட் உரிமையை கைப்பற்றிய பிரபல நிறுவனம்

ரஜினிகாந்த் நடிப்பில் உருவாகி உள்ள படம் ‘தர்பார்’. ஏ.ஆர்.முருகதாஸ் இயக்கியுள்ள இப்படத்தில் ரஜினி போலீஸ் அதிகாரியாக நடித்துள்ளார். அனிருத் இசையமைத்துள்ள இப்படத்தின் பாடல்கள் சமீபத்தில் வெளியாகி ரசிகர்களிடையே நல்ல வரவேற்பை பெற்றது. 

நேற்று தர்பார் படத்தின் டிரைலர் வெளியாகி சமூக வலைத்தளத்தில் வைரலானது. பொங்கல் விடுமுறையையொட்டி வெளியாக இருக்கும் இப்படத்தின் சாட்டிலைட் உரிமையை சன் டிவி நிறுவனம் தற்போது கைப்பற்றியுள்ளது.

இப்படத்தில் ரஜினியுடன் நயன்தாரா, யோகிபாபு, சுனில் ஷெட்டி உள்ளிட்ட பலர் நடித்துள்ளார்கள். சந்தோஷ் சிவன் ஒளிப்பதிவு செய்துள்ளார்.