மீண்டும் யுவன் இசையில் பாடிய இளையராஜா

பி.எஸ்.மித்ரன் இயக்கத்தில் சிவகார்த்திகேயன் நடிப்பில் உருவாகி இருக்கும் படம் ‘ஹீரோ’.  இப்படத்தில் சிவகார்த்திகேயனுக்கு ஜோடியாக கல்யாணி பிரியதர்ஷன் நடிக்கிறார். மேலும் அர்ஜுன், இவானா, ஷ்யாம் கிருஷ்ணன், ரோபோ சங்கர் ஆகியோர் முக்கிய கதாபாத்திரத்தில் நடித்துள்ளார்கள். கே.ஜே.ஆர். ஸ்டுடியோஸ் பட நிறுவனம் தயாரித்துள்ள இப்படத்திற்கு யுவன் சங்கர் ராஜா இசையமைத்துள்ளார். 

சமீபத்தில் வெளியான இப்படத்தின் டிரைலர் ரசிகர்களிடையே நல்ல வரவேற்பை பெற்று வருகிறது. இந்நிலையில் இப்படத்தின் இடம்பெறும் ஒரு சிறப்பு பாடலை இசைஞானி இளையராஜா பாடியுள்ளார். இப்பாடலை பா.விஜய் எழுதியுள்ளார். சிவகார்த்திகேயன் படத்திற்காக இளையராஜா பாடியுள்ளது இதுவே முதல்முறையாகும். இப்படம் வருகிற டிசம்பர் 20-ந் தேதி திரைக்கு வருகிறது.