ஹீரோ டிரைலர் வெளியீட்டு தேதி அறிவிப்பு

பி.எஸ்.மித்ரன் இயக்கத்தில் சிவகார்த்திகேயன் நடிப்பில் உருவாகி இருக்கும் படம் ‘ஹீரோ’.  இப்படத்தில் சிவகார்த்திகேயனுக்கு ஜோடியாக கல்யாணி பிரியதர்ஷன் நடிக்கிறார். மேலும் அர்ஜுன், இவானா, ஷ்யாம் கிருஷ்ணன், ரோபோ சங்கர் ஆகியோர் முக்கிய கதாபாத்திரத்தில் நடித்துள்ளார்கள். கே.ஜே.ஆர். ஸ்டுடியோஸ் பட நிறுவனம் தயாரித்துள்ள இப்படத்திற்கு யுவன் சங்கர் ராஜா இசையமைத்துள்ளார். 

சமீபத்தில் வெளியான இப்படத்தின் டீசர் மற்றும் பாடல்கள் ரசிகர்களிடையே நல்ல வரவேற்பை பெற்றன. இந்நிலையில் இப்படத்தின் டிரைலர் வெளியீட்டு தேதியை படக்குழு அறிவித்துள்ளது. அதன்படி வருகிற டிசம்பர் 13ந் தேதி வெள்ளிக்கிழமை காலை 8 மணிக்கு சத்யம் திரையரங்கிலும், 11.03 மணிக்கு யூடியூபிலும் வெளியிடப்படும் என தெரிவிக்கப்பட்டுள்ளது. சூப்பர் ஹீரோ கதையம்சத்தில் உருவாகியுள்ள இப்படம் வருகிற டிசம்பர் 20ந் தேதி ரிலீசாக உள்ளது குறிப்பிடத்தக்கது.