சினிமா
தனுசு ராசி நேயர்களே படக்குழுவினரின் முக்கிய அறிவிப்பு
சஞ்சய் பாரதி இயக்கத்தில் ஹரிஷ் கல்யாண் நடிப்பில் உருவாகி இருக்கும் ‘தனுசு ராசி நேயர்களே’ படக்குழுவினரின் முக்கிய அறிவிப்பு வெளியாகியுள்ளது.
ஹரிஷ் கல்யாண் நடிப்பில் தற்போது உருவாகி உள்ள படம் ‘தனுசு ராசி நேயர்களே’. இந்த படத்தை இயக்குநரும், நடிகருமான சந்தான பாரதியின் மகன் சஞ்சய் பாரதி இயக்கியுள்ளார்.
ஸ்ரீகோகுலம் மூவீஸ் சார்பில் கோகுலம் கோபாலன் தயாரிக்கும் இந்த படம் ரொமாண்டிக் காமெடி கதையாக உருவாகி இருக்கிறது. சமீபத்தில் இப்படத்தின் டீசர் வெளியாகி ரசிகர்களிடையே நல்ல வரவேற்பு பெற்றது. டிசம்பர் 6ம் தேதி வெளியாக இருக்கும் நிலையில், இப்படத்திற்கு தணிக்கை குழுவினர் யூ/ஏ சான்றிதழ் வழங்கி இருக்கிறார்கள்.
இதில் ரெபா மோனிகா ஜான், ரியா சக்கரவர்த்தி ஆகிய இரண்டு கதாநாயகிகள் நடித்துள்ளனர். ஜிப்ரான் இப்படத்திற்கு இசையமைத்துள்ளார்.