கமல்-ஷங்கர் கூட்டணியில் உருவாகும் இந்தியன் 2 படத்தில் பிரியா பவானி சங்கர் எந்த மாதிரியான வேடத்தில் நடிக்கிறார் என்ற தகவல் வெளியாகி உள்ளது.
இந்தியன் 2-வில் பிரியா பவானி சங்கரின் கதாபாத்திரம் இதுதான்
பதிவு: நவம்பர் 22, 2019 14:42
பிரியா பவானி சங்கர்
கமல், ஷங்கர் இணைந்துள்ள இந்தியன் 2 படத்தின் படப்பிடிப்பு விறுவிறுப்பாக நடைபெற்று வருகிறது. கமல் 90 வயது, இந்தியன் தாத்தாவாக நடிக்கிறார். 85 வயது கதாபாத்திரத்தில் கமலின் தோழியாக காஜல் அகர்வால் நடிக்கிறார். சித்தார்த், பாபி சிம்ஹா, வெண்ணிலா கிஷோர், ரகுல் பிரீத் சிங், பிரியா பவானி சங்கர் உள்பட பலர் நடிக்கிறார்கள். மேலும், இந்த படத்தின் சில காட்சிகளில் கமல்ஹாசன் குஜராத்தி மொழி பேசி நடிக்கிறார் என்று செய்திகள் வெளியாகியுள்ளன.
சில காட்சிகள் என்றாலும் அதற்காக குஜராத்தி மொழியையும் ஓரளவு பேச பயிற்சி எடுத்தே அந்த காட்சிகளில் நடிக்கிறார் கமல். இதற்கிடையே, பிரியா பவானி சங்கர் எந்த மாதிரியான வேடத்தில் நடிக்கிறார் என்ற தகவல் வெளியாகி உள்ளது. இந்தியன் முதல் பாகத்தில் சேனாதிபதியின் மனைவியாக சுகன்யா நடித்திருந்தார். இவரது வேடத்தில் தான் பிரியா பவானி சங்கர் நடிக்க இருக்கிறாராம்.
Related Tags :