சினிமா
மாடலிங் துறையில் நிறம் முக்கியம் இல்லை - ரைசா வில்சன்
மாடலிங் துறையில் வெற்றி பெற நிறம், ஸ்டைல் முக்கியம் இல்லை என நடிகை ரைசா வில்சன் தெரிவித்துள்ளார்.
விஐபி 2 உள்ளிட்ட படங்களில் சிறு வேடங்களில் நடித்த 'நடிகை ரைசா வில்சன் பிக்பாஸ் நிகழ்ச்சி மூலம் பிரபலமானார். இதை தொடர்ந்து இவர் ஹரிஷ் கல்யாணுக்கு ஜோடியாக நடித்த ’பியார் பிரேமா காதல்’ படம் நல்ல வரவேற்பை பெற்றது. இவர் கல்லுாரியில் படிக்கும் போதே, 'மாடலிங்' துறையில் ஈடுபட்டவர்.
இது குறித்து, அவர் கூறுகையில், ''மாடலிங் துறையில் ஈடுபட, சிவப்பாக இருக்க வேண்டும், ஸ்டைலாக நடந்து கொள்ள வேண்டும் என, பலர் நினைக்கின்றனர். உலகில் பிறந்த ஒவ்வொருவருமே, அழகு தான். மாடலிங் துறையில் வெற்றி பெற, முறையான பயிற்சி இருந்தாலே போதும்; எவரும் அத்துறையில், வெற்றிக் கொடி நாட்டலாம்,'' என்றார்.