சினிமா
அருண் விஜய் பிறந்தநாளில் மணிரத்னம் கொடுத்த கிப்ட்
பல வெற்றி படங்களை கொடுத்து வரும் அருண் விஜய் பிறந்தநாளில் இயக்குனர் மணிரத்னம் கிப்ட் ஒன்றை கொடுத்துள்ளார்.
அருண் விஜய் நடிப்பில் தற்போது ‘சினம்’ என்ற படம் உருவாகியுள்ளது. தேசிய விருது பெற்ற இயக்குநர் ஜிஎன்ஆர் குமரவேலன் இப்படத்தினை இயக்குகிறார். குற்றம் 23 படத்திற்கு பிறகு அருண் விஜய் மீண்டும் போலீஸ் அதிகாரியாக இப்படத்தில் நடித்துள்ளார். இதில் அருண் விஜய்க்கு ஜோடியாக பாலக் லால்வாணி நடித்துள்ளார்.
இப்படத்தின் படப்பிடிப்பு விறுவிறுப்பாக நடைபெற்று வரும் நிலையில், இப்படத்தின் பர்ஸ்ட் லுக் போஸ்டரை இன்று வெளியிட இருப்பதாக படக்குழுவினர் அறிவித்தனர்.
அதன்படி அருண் விஜய்யின் பிறந்தநாளை முன்னிட்டு, சினம் படத்தின் பர்ஸ்ட் லுக் போஸ்டரை இயக்குனர் மணிரத்னம் வெளியிட்டுள்ளார். தற்போது இந்த பர்ஸ்ட் லுக் போஸ்டர் ரசிகர்களை கவர்ந்து வைரலாகி வருகிறது.