சினிமா
இந்தியன் 2-வில் இணைந்த பிக்பாஸ் பிரபலம்
சங்கர் இயக்கத்தில் கமல் நடித்து வரும் இந்தியன் 2 படத்தில் பிக்பாஸ் பிரபலம் ஒருவர் இணைந்துள்ளதாக தகவல் வெளியாகியுள்ளது.
ரஜினியை வைத்து 2.0 படத்தை இயக்கிய சங்கர் தற்போது கமல் நடிக்கும் இந்தியன் 2 படத்தை இயக்கி வருகிறார். 1997-ல் வெளியான இந்தியன் படத்தின் 2ஆம் பாகமாக இப்படம் உருவாகிறது. மேலும் இந்த படத்தில் காஜல் அகர்வால், பிரியா பவானி சங்கர், சித்தார்த் போன்ற முக்கிய பிரபலங்கள் நடித்து வருகின்றனர். அதிக பட்ஜெட்டில் மிக பிரமாண்டமாக உருவாகி வருகிறது.
இந்நிலையில் தற்போது பிக்பாஸ் சீசன் 3 யில் கமலுக்கு காஸ்ட்யூம் டிசைனராக பணியாற்றிய அமிர்தா ராம் இந்த படத்தில் ஒப்பந்தம் செய்யப்பட்டுள்ளார். படத்தில் காஸ்டியூம் டிசைனராக பணியாற்றுகிறார். பிக்பாஸ் நிகழ்ச்சியில் கமல் அணிந்து இருந்த உடைகளுக்கு நல்ல வரவேற்பு கிடைத்தது. இதனை அடுத்து அமிர்தா ராம் இந்தியன் 2 படத்துக்கும் ஒப்பந்தம் செய்யப்பட்டுள்ளார்.