சினிமா
விஜய் சேதுபதியுடன் பிறந்தநாள் கொண்டாடிய இசையமைப்பாளர் அம்ரீஷ்
பிரபல இசையமைப்பாளரான அம்ரீஷ் தனது பிறந்தநாளை நடிகர் விஜய் சேதுபதியுடன் பிரம்மாண்டமாக கொண்டாடி இருக்கிறார்.
‘நானே என்னுள் இல்லை’ என்ற படம் மூலம் தனது இசைப்பயணத்தைத் தொடங்கியவர் இசையமைப்பாளர் அம்ரீஷ். இப்படத்தை அடுத்து, ‘மொட்ட சிவா கெட்ட சிவா’, ‘பாஸ்கர் ஒரு ராஸ்கல்’, ‘சார்லி சாப்ளின் 2’, ‘பொட்டு’, ‘சத்ரு’ போன்ற படங்களுக்கு இசையமைத்தார். தற்போது, ‘கர்ஜனை’, ‘யங் மங் சங்’, ‘வீரமாதேவி’, ‘பரமபத விளையாட்டு’, ‘கா’ போன்ற படங்கள் இவருடைய இசையில் வெளியாக இருக்கிறது.
இவரின் பிறந்தநாளை அவரது தாயும், நடிகையுமான ஜெயசித்ரா நேற்று இரவு பிரம்மாண்டமாக கொண்டாடினார். இந்த விழாவில் விஜய் சேதுபதி சிறப்பு விருந்தினராக கலந்து கொண்டு அம்ரீஷ்க்கு வாழ்த்து கூறினார்.
மேலும், தயாரிப்பாளர் ஜே.எஸ்.கே.சதீஷ், டி.சிவா, நடிகை நமீதா, இயக்குநர்கள் சாய் ரமணி, ரத்னா சிவா, படத்தொகுப்பாளர் கிஷோர் ஆகியோரும் கலந்து கொண்டு தங்களது வாழ்த்துக்களைத் தெரிவித்தார்கள்.