சினிமா
ஆர்யாவுடன் இணைந்த பிக்பாஸ் பிரபலம்
சக்தி சவுந்தர்ராஜன் இயக்கத்தில் ஆர்யா, சாயிஷா நடித்து வரும் ‘டெடி’ படத்தில் பிக்பாஸ் மூலம் மிகவும் பிரபலமானவர் நடித்து வருகிறார்.
`கஜினிகாந்த்', `காப்பான்' படங்களில் இணைந்து நடித்த ஆர்யா - சாயிஷாவுக்கு காதல் மலர்ந்தது. இருவரும் சமீபத்தில் திருமணம் செய்து கொண்டனர். நிஜத்தில் ஜோடியான இவர்கள் தற்போது, மீண்டும் திரையில் இணைந்து ‘டெடி’ என்ற படத்தில் இணைந்து நடித்து வருகிறார்கள்.
`டிக் டிக் டிக்' படத்தை இயக்கிய சக்தி சவுந்தர்ராஜன் `டெடி' படத்தை இயக்கி வருகிறார். இப்படத்தின் படப்பிடிப்பு விறுவிறுப்பாக நடைபெற்று வரும் நிலையில், தற்போது பிக்பாஸ் மூலம் மிகவும் பிரபலமான சாக்ஷி அகர்வால் இணைந்திருப்பதாக படக்குழுவினர் அறிவித்துள்ளனர்.
இவர்களுடன் சதீஷ், கருணாகரன் ஆகியோர் முக்கிய கதாபாத்திரங்களில் நடித்து வருகின்றனர். டி.இமான் இசையமைக்கும் இந்த படத்திற்கு யுவா ஒளிப்பதிவு செய்து வருகிறார்.