சினிமா
கமல்ஹாசன் தொகுத்து வழங்கிய பிக்பாஸ் நிகழ்ச்சியில் கலந்து கொண்டு பிரபலமான நடிகை ஒருவர் தற்போது டப்பிங் கலைஞராக அவதாரம் எடுத்துள்ளார்.
நடிகை சாக்ஷி ரஜினியுடன் காலா, அஜித்துடன் விஸ்வாசம் போன்ற படங்களில் நடித்து பிரபலமானார். இவர் சமீபத்தில் நடந்து முடிந்த பிக்பாஸ் நிகழ்ச்சியில் 16 போட்டியாளர்களில் ஒருவராக கலந்து கொண்டார். இவர் தற்போது டப்பிங் கலைஞராக அவதாரம் எடுத்துள்ளார்.
சுந்தர் சி இயக்கத்தில் விஷால் நடித்துள்ள ஆக்ஷன் படத்தில் இவர் டப்பிங் பேசியுள்ளார். டப்பிங் பேசியபோது எடுத்த புகைபடத்தை அவர் தனது இன்ஸ்டாகிராம் பக்கத்தில் பதிவிட்டுள்ளார். இப்படத்திற்கு ஹிப்ஹாப் ஆதி இசையமைத்துள்ளார். மேலும் விஷாலுக்கு ஜோடியாக தமன்னா, ஐஸ்வர்யா லட்சுமி ஆகியோர் நடித்துள்ளனர்.