சினிமா
பேரரசு, விஜய்

மீண்டும் பேரரசு இயக்கத்தில் விஜய்?

Published On 2019-09-11 06:07 GMT   |   Update On 2019-09-11 06:07 GMT
தமிழ் திரையுலகின் முன்னணி கதாநாயகனாக வலம் வரும் விஜய்யின் 65-வது படத்தை பேரரசு இயக்க பேச்சுவார்த்தை நடப்பதாக கூறப்படுகிறது.
அட்லி இயக்கத்தில் விஜய்யின் 63-வது படமாக தயாராகி உள்ள ‘பிகில்’ தீபாவளிக்கு திரைக்கு வருகிறது. இந்த படத்தின் பாடல்களை வருகிற 19-ந்தேதி சென்னையில் விழா நடத்தி வெளியிட திட்டமிட்டு உள்ளனர். இதில் ‘வெறித்தனம்’ என்ற பாடலை விஜய்யும், சிங்கப்பெண்ணே என்ற பாடலை ஏ.ஆர்.ரகுமானும் சொந்த குரலில் பாடி உள்ளனர்.

இரண்டு பாடல்களும் ஏற்கனவே சமூக வலைத்தளத்தில் வெளியாகி பெரிய வரவேற்பை பெற்றுள்ளன. பிகில் படத்துக்கு பிறகு மாநகரம் படத்தை எடுத்து பிரபலமான லோகேஷ் கனகராஜ் இயக்கும் படத்தில் நடிக்க உள்ளார் விஜய். இந்த படத்தில் அவர் கல்லூரி மாணவராக நடிக்கிறார் என்றும், முழு நீள நகைச்சுவை படமாக தயாராகிறது என்றும் தகவல்கள் கசிந்துள்ளன.



இதனை படக்குழுவினர் உறுதிப்படுத்தவில்லை. கதாநாயகியாக நடிக்க பிரபல இந்தி நடிகை கியாரா அத்வானி பெயர் அடிபடுகிறது. இதர நடிகர், நடிகை தேர்வு நடக்கிறது. இந்த படத்துக்கு பிறகு விஜய்யின் 65-வது படத்தை பேரரசு இயக்க பேச்சுவார்த்தை நடப்பதாக கூறப்படுகிறது.

ஏற்கனவே விஜய் நடித்த திருப்பாச்சி, சிவகாசி படங்களை பேரரசு இயக்கி உள்ளார். 2 படங்களுமே நல்ல லாபம் பார்த்தன. இதுபோல் திருமலை, ஆதி படங்களை இயக்கிய ரமணாவும் விஜய்யை வைத்து புதிய படம் இயக்கும் முயற்சியில் ஈடுபட்டு உள்ளதாக அறிவித்து உள்ளார்.
Tags:    

Similar News