ஜெயராமுக்கு குவியும் வில்லன் வேடங்கள்

ஜெயராம் மலையாளத்தில் முன்னணி கதாநாயகனாக இருந்து தற்சமயம் நடிப்பில் இருந்து சற்று ஒதுங்கி இருந்தார். திடீரென்று தனது இணையதள பக்கத்தில் கட்டுமஸ்தான தோற்றத்தில் புதிய ஹேர்ஸ்டைலுடன் இருக்கும் புகைப்படத்தை வெளியிட்டு ஆச்சர்யப்பட வைத்திருக்கிறார். 

சமீபத்தில் விஜய்சேதுபதி நடித்த மார்கோனி மதாய் மலையாள படத்தில் நடித்திருந்த ஜெயராம் அடுத்து தெலுங்கு நடிகர் அல்லு அர்ஜூன் நடிக்கும் புதிய  படத்தில் முக்கிய வேடம் ஏற்கிறார். இப்படத்தை திரிவிக்ரம் இயக்குகிறார். ஜெயராமின் புதிய தோற்றத்தை கண்ட கோலிவுட் இயக்குனர்கள் சிலரும் தங்கள் படத்தில் வில்லன் வேடத்தில் நடிக்க அவரிடம் பேசி வருகிறார்களாம்.