சினிமா
ஜி.வி.பிரகாஷ் குமார், ஷாலினி பாண்டே

100 சதவீதம் காதல் படத்தின் இசை வெளியீட்டு தேதி அறிவிப்பு

Published On 2019-08-04 06:32 GMT   |   Update On 2019-08-04 06:32 GMT
சந்திரமவுலி எம்.எம். இயக்கத்தில் ஜி.வி.பிரகாஷ் நடிப்பில் உருவாகி இருக்கும் `100 சதவீதம் காதல்' படத்தின் இசை வெளியீட்டு தேதி அறிவிக்கப்பட்டுள்ளது.
நாகசைதன்யா - தமன்னா நடிப்பில் தெலுங்கில் வெளியாகி மிகப்பெரிய வெற்றி பெற்ற படம், `100 சதவீதம் லவ்.' இந்த படம் `100 சதவீதம் காதல்' என்ற பெயரில் தமிழில் உருவாகி இருக்கிறது. 

சந்திரமவுலி எம்.எம். இயக்கியிருக்கும் இந்த படத்தில் ஜி.வி.பிரகாஷ் - ஷாலினி பாண்டே நாயகன், நாயகியாக நடித்துள்ளனர். நாசர், தம்பிராமய்யா, `தலைவாசல்' விஜய், ஆர்.வி.உதயகுமார் உள்ளிட்ட பலரும் முக்கிய கதாபாத்திரங்களில் நடித்துள்ளனர்.

இந்நிலையில் இப்படத்தின் இசை வெளியீட்டு தேதியை படக்குழு அறிவித்துள்ளது. அதன்படி இப்படத்தின் பாடல்கள் வருகிற ஆகஸ்ட் 11-ந் தேதி வெளியிடப்பட உள்ளதாக படக்குழு அறிவித்துள்ளது. இப்படத்திற்கு ஜி.வி.பிரகாஷ் இசையமைத்துள்ளார். 



கல்லூரியில் படிக்கும் ஒரு மாணவருக்கும், மாணவிக்கும் இடையே நடக்கும் போட்டியை காதலும், நகைச்சுவையும் கலந்து படமாக உருவாக்கி இருக்கிறார்கள். இந்த படத்திற்கு கணேஷ்.ஆர் ஒளிப்பதிவை கவனித்துள்ளார். 
Tags:    

Similar News