சிங்கப்பெண்ணே பாடலை நேரலையாக பாடும் ஏ.ஆர்.ரஹ்மான்

ஏ.ஆர்.ரஹ்மான் இசையில் தற்போது உருவாகி வரும் படம் ‘பிகில்’. விஜய் நடித்து வரும் இப்படத்தை அட்லீ இயக்கி வருகிறார். ஏஜிஎஸ் நிறுவனம் பிரம்மாண்டமாக தயாரித்து வருகிறது. இப்படத்தின் படப்பிடிப்பு இறுதி கட்டத்தை எட்டியுள்ளது.

இப்படத்தில் இடம் பெறும் ‘சிங்கப்பெண்ணே’ என்ற பாடல் சமீபத்தில் வெளியானது. பெண்களை போற்றும் விதத்தில் உருவான இப்பாடல் ரசிகர்கள் மத்தியில் பெரும் வரவேற்பு பெற்றது. மேலும் யூடியூப்பில் சாதனை மேல் சாதனை படைத்து வருகிறது.

இந்நிலையில் ஆகஸ்ட் 10ம் தேதி சென்னையில் நடைபெற இருக்கும் இசை நிகழ்ச்சியில், சிங்கப்பெண்ணே என்ற பாடலை ரசிகர்கள் முன்னிலையில் நேரலையாக பாட இருப்பதாக ஏ.ஆர்.ரஹ்மான் அறிவித்திருக்கிறார்.