விஜய் 64 படத்தில் இணைந்த பிரபல இசையமைப்பாளர்

விஜய் தற்போது தளபதி 63 படத்தில் நடித்து வரும் நிலையில், அவரது அடுத்த படமான தளபதி 64 படம் குறித்த எதிர்பார்ப்பு ரசிகர்கள் மத்தியில் அதிகரித்துள்ளது. அந்த வகையில் விஜய்யின் அடுத்த படத்தை இயக்கப் போவது யார்? என்று சமூக வலைதளங்களில் பெரிய விவாதமே நடந்தது.

இறுதியாக விஜய்யின் அடுத்த படத்தை லோகேஷ் கனகராஜ் இயக்குவதாக உறுதியான செய்திகள் வெளியானது. தற்போது இந்த படத்திற்கு அனிருத் இசையமைக்க இருப்பதாக அறிவித்திருக்கிறார்கள். 

இந்த படம் குழந்தைகள் ரசிக்கும்படியாக பேண்டஸி கலந்த திரில்லர் பாணியில் உருவாகுவதாக கூறப்படுகிறது. மேலும் இந்த படத்தில் விஜய்யுடன் திரிஷா நடிப்பதாகவும், ராஷ்மிகா மந்தானா நடிப்பதாகவும் சில வதந்திகள் பரவி வருகிறது. விரைவில் இப்படத்தின் முழுவிவரங்கள் அதிகாரப்பூர்வமாக வெளியாகும் என்று எதிர்பார்க்கப்படுகிறது.