சினிமா
கண்ணே கலைமானே படக்குழுவின் அடுத்த அறிவிப்பு
சீனு ராமசாமி இயக்கத்தில் உதயநிதி ஸ்டாலின் - தமன்னா நடிப்பில் உருவாகி இருக்கும் `கண்ணே கலைமானே' படத்தின் டிரைலர் ரிலீஸ் குறித்த அறிவிப்பு வெளியாகி இருக்கிறது. #KanneKalaimane #UdhayanidhiStalin #Tamannaah
`தர்மதுரை' படத்தை தொடர்ந்து சீனு ராமசாமி இயக்கத்தில் உருவாகி இருக்கும் படம் `கண்ணே கலைமானே'.
உதயநிதி ஸ்டாலின், தமன்னா முதன்மை கதாபாத்திரங்களில் நடித்துள்ள இந்த படத்தில் சரண்யா பொன்வண்ணன், கஞ்சா கருப்பு, வடிவுக்கரசி, ஷாஜி சென், வசுந்தரா காஷ்யப், வெற்றிக்குமாரன் உள்ளிட்ட பலரும் முக்கிய கதாபாத்திரத்தில் நடித்துள்ளனர். உதயநிதி தனது சொந்த தயாரிப்பு நிறுவனமான ரெட் ஜெயண்ட் மூவிஸ் மூலம் தயாரித்துள்ள இந்த படத்தின் டிரைலர் பொங்கலை முன்னிட்டு வருகிற ஜனவரி 9-ஆம் தேதி வெளியாக இருப்பதாக அறிவிக்கப்பட்டுள்ளது.
#KanneKalaimaaneTrailerfrom9th! @seenuramasamy@vairamuthu@thisisysr@tamannaahspeaks@JalandharVasan@SonyMusicSouth@RedGiant_Movies@DoneChannel1pic.twitter.com/6rtEMCsj3a
— Udhay (@Udhaystalin) January 5, 2019
யுவன் ஷங்கர் ராஜா இசையில் ஒரே ஒரு பாடல் மட்டும் வெளியாகியிருக்கும் நிலையில், படத்தின் இசை விரைவில் வெளியாக இருக்கிறது. படத்தை வருகிற பிப்ரவரியில் ரிலீஸ் செய்ய படக்குழு திட்டமிட்டுள்ளது. #KanneKalaimane #UdhayanidhiStalin #Tamannaah #KanneKalaimaaneTrailerfrom9th