சினிமா
‘அஞ்சாதே’, ‘திருதிரு துறுதுறு’, ‘கோ’, உள்ளிட்ட பல படங்களில் நடித்து பிரபலமான அஜ்மல், அடுத்ததாக வியூகம் என்ற படத்தில் நடித்துள்ளார். #Ajmal #Viyugam
‘அஞ்சாதே’, ‘திருதிரு துறுதுறு’, ‘கோ’, உள்ளிட்ட படங்களில் நடித்து பிரபலமானவர் அஜ்மல். இவர் நடிப்பில் சமீபத்தில் ‘இரவுக்கு ஆயிரம் கண்கள்’ திரைப்படம் வெளியானது. தமிழ், தெலுங்கு, மலையாளம் என மூன்று மொழிகளில் நடித்து வரும் அஜ்மல், அடுத்ததாக வித்தியாசமான சஸ்பென்ஸ் படத்தில் நடித்துள்ளார்.
இப்படத்திற்கு ‘வியூகம்’ என்று பெயர் வைத்துள்ளனர். இதில் அஜ்மலுக்கு ஜோடியாக ஐஸ்வர்யா ராஜ் நடித்துள்ளார். எஸ்.வி.என்டர்டெய்னர்ஸ் சார்பில் தனம் தண்டபாணி தயாரித்துள்ளார். சந்தோஷ் மேனன் இயக்கியுள்ளார். தீபக் நிலம்பூர் இசையமைத்துள்ளார்.
பாடல்களில் மட்டுமல்ல பின்னணி இசையிலும் பேசப்படும்படி இசை உள்ளது. ஷ்யாம், ஜே.டி. பிரின்ஸ் பாடல்களை எழுதியுள்ளனர். ஹாரர் க்ரைம் சஸ்பென்ஸ் கலந்த விறுவிறுப்பான வித்தியாசமான சஸ்பென்ஸ் த்ரில்லர் படமாக' வியூகம்' உருவாகியுள்ளது.
இப்படத்தின் இறுதிக் கட்டப்பணிகள் விறுவிறுப்பாக நடைபெற்று வருகின்றன. விரைவில் 'வியூகம்' வெளியாகவிருக்கிறது.