ஆட்டோமொபைல்
ஹோண்டா நிறுவனம் தனது போர்சா 750 ஸ்கூட்டருக்கான டீசரை வெளியிட்டு உள்ளது. இதன் விவரங்களை பார்ப்போம்.
ஹோண்டா நிறுவனம் தனது போர்சா 750 ஸ்கூட்டருக்கான டீசர் வீடியோவை வெளியிட்டு இருக்கிறது. புதிய மாடல் முதற்கட்டமாக சர்வதேச சந்தையில் அக்டோபர் 14 ஆம் தேதி அறிமுகம் செய்யப்பட இருக்கிறது.
டீசரின் படி புதிய போர்சா 750 புஷ் ஸ்டார்ட் பட்டன், ஃபுல் எல்இடி ஹெட்லேம்ப், கூர்மையான எட்ஜி ஸ்டைலிங் கொண்ட டெயில் லேம்ப் வழங்கப்படுவது உறுதியாகிவிட்டது. இத்துடன் ஃபுல் கலர் டிஎஃப்டி ஸ்கிரீன், நான்கு வித ரைடிங் மோட்கள் வழங்கப்படுகிறது.
தோற்றத்தில் இது மற்ற போர்சா மாடல்களை போன்றே காட்சியளிக்கிறது. இவைதவிர புதிய ஸ்கூட்டரில் வழங்கப்பட இருக்கும் என்ஜின் பற்றி இதுவரை எந்த தகவலும் வெளியாகவில்லை. ஹோண்டாவின் இதர பெரிய ஸ்கூட்டர்களில் 750சிசி என்ஜின் வழங்கப்பட்டு இருக்கிறது.
புதிய மாடலில் வழங்கப்பட இருக்கும் என்ஜின் பல்வேறு மாற்றங்களுடன், யூரோ 5 புகை விதிகளுக்கு பொருந்தும் வகையில் டியூன் செய்யப்பட்டு இருக்கும் என கூறப்படுகிறது.