ஆட்டோமொபைல்
மும்பையில் ரெவோல்ட் மோட்டார்சைக்கிள் முன்பதிவு துவக்கம்
ரெவோல்ட் நிறுவனத்தின் ஆர்வி400 மற்றும் ஆர்வி300 எலெக்ட்ரிக் மோட்டார்சைக்கிள் மாடல்களின் முன்பதிவு விவரங்களை பார்ப்போம்.
ரெவோல்ட் எலெக்ட்ரிக் மோட்டார்சைக்கிள் நிறுவனத்தின் ஆர்வி400 மற்றும் ஆர்வி300 மாடல்களின் முன்பதிவு மும்பையில் துவங்கி உள்ளது. மும்பையின் அந்தேரி மேற்கு பகுதியில் ரெவோல்ட் ஹப் துவங்கப்பட்டு உள்ளது. புதிய மோட்டார்சைக்கிள் மாடல்களின் முன்பதிவு ஆன்லைன் மூலம் நடைபெறுகிறது.
மும்பை நகரில் ரெவோல்ட் வாகனங்கள் இருவித முறையில் விற்பனை செய்யப்படுகிறது. இவற்றை வாடிக்கையாளர்கள் மை ரெவோல்ட் பிளான் என அழைக்கப்படும் பிரத்யேக சந்தா முறை மற்றும் ஒருமுறை முழு தொகையையும் செலுத்தும் வசதி வழங்கப்படுகிறது.
மை ரெவோல்ட் பிளானில் ரெவோல்ட் ஆர்வி400 மோட்டார்சைக்கிள் மாதம் ரூ. 3999, ரெவோல்ட் ஆர்வி300 மாடலுக்கு ரூ. 2999 கட்டணமாக வசூலிக்கப்படுகிறது. இத்துடன் இரு மாடல்களுக்கும் முறையே ரூ. 3999 மற்றும் ரூ. 2999 முன்பணமாக வசூலிக்கப்படுகிறது.
ரெவோல்ட் கேஷ் டவுன் திட்டத்தில் ரெவோல்ட் ஆர்வி400 மாடல் விலை ரூ. 1.08 லட்சம், ரெவோல்ட் ஆர்வி300 மாடல் விலை ரூ. 89,999 என நிர்ணயம் செய்யப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கின்றன.