ஆட்டோமொபைல்
டிவிஎஸ் என்டார்க் 125 பிஎஸ்6 விலை உயர்வு
டிவிஎஸ் மோட்டார்ஸ் நிறுவனத்தின் பிஎஸ்6 என்டார்க் 125மாடல் விலை இந்தியாவில் உயர்த்தப்பட்டு உள்ளது.
டிவிஎஸ் மோட்டார் கம்பெனி நிறுவனம் இந்திய சந்தையில் தனது என்டார்க் 125 பிஎஸ்6 மோட்டார்சைக்கிள் விலையை இரண்டாவது முறையாக உயர்த்தி உள்ளது. தற்சமயம் என்டார்க் 125 மாடல் விலை ரூ. 1000 உயர்த்தி உள்ளது.
புதிய விலை உயர்வின் படி பிஎஸ்6 மாடல் துவக்க விலை ரூ. 67885 என்றும் முன்புற டிஸ்க் பிரேக் கொண்ட வேரியண்ட் விலை ரூ. 71885 என்றும் ரேஸ் எடிஷன் ரூ. 74365 என மாறி உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.
டிவிஎஸ் என்டார்க் 125 பிஎஸ்6 மாடலில் 124.8சிசி ஏர் கூல்டு, மூன்று வால்வுகள் கொண்ட என்ஜின் வழங்கப்பட்டு உள்ளது. இந்த என்ஜின் 9.1 பிஹெச்பி பவர், 10.5 என்எம் டார்க் செயல்திறன் வழங்குகிறது. இந்த ஸ்கூட்டர் 12 இன்ச் அலாய் வீல்கள், முன்புறம் டெலிஸ்கோபிக் ஃபோர்க், பின்புறம் மோனோஷாக் சஸ்பென்ஷன் வழங்கப்பட்டு உள்ளது.
இந்திய சந்தையில் டிவிஎஸ் என்டார்க் 125 பிஎஸ்6 ஸ்கூட்டர் ஹோண்டா கிரேசியா, யமஹா ரே இசட்ஆர் 125, சுசுகி பர்க்மேன் ஸ்டிரீட் 125 மற்றும் ஹீரோ மேஸ்ட்ரோ எட்ஜ் 125 மாடல்களுக்கு போட்டியாக அமைகிறது.