சியோமி நைன்பாட் சி30 எலெக்ட்ரிக் ஸ்கூட்டர் அறிமுகம்

சியோமியின் நைன்பாட் பிராண்டு சி30 எலெக்ட்ரிக் ஸ்கூட்டரை அறிமுகம் செய்து இருக்கிறது. புதிய எலெக்ட்ரிக் ஸ்கூட்டர் விலை 514 டாலர்கள், இந்திய மதிப்பில் ரூ. 38 ஆயிரம் என நிர்ணயம் செய்யப்பட்டு உள்ளது.

புதிய ஸ்கூட்டர் அன்டர்போன் ரக ஃபிரேம் கொண்டிருக்கிறது. இது மிக குறைந்த பேனல்களுடன் சிறிய அளவிலான ஒற்றை சீட் அமைப்பை கொண்டிருக்கிறது. நைன்பாட் பிராண்டு சி30 மாடலின் ஹெட்லேம்ப் மற்றும் டெயில் லேம்ப்களில் எல்இடி லைட்டிங் செய்துள்ளது. 

புதிய எலெக்ட்ரிக் ஸ்கூட்டர் பற்றிய விவரங்கள் முழுமையக அறிவிக்கப்படவில்லை. எனினும், இது மணிக்கு 25 கிலோமீட்டர் வேகத்தில் செல்லும் திறன் கொண்டிருக்கும் என்றும் ஒருமுறை முழுமையாக சார்ஜ் செய்தால் 35 கிலோமீட்டர் வரை செல்லும் என கூறப்படுகிறது.

இதில் கழற்றக்கூடிய வகையிலான லித்தியம் அயன் ரக பேட்டரி வழங்கப்படுகிறது. எது 6 கிலோ எடை கொண்டது ஆகும். ஒருவேளை பேட்டரியில் சார்ஜ் தீர்ந்து போனால் பெடல் செய்து பயணிக்கும் வசதியும் சியோமி நைன்பாட் சி30 மாடலில் வழங்கப்பட்டு உள்ளது.

சஸ்பென்ஷனிற்கு முன்புறம் டெலிஸ்கோபிக் ஃபோர்க், பின்புறம் மோனோஷாக் அப்சார்பர்கள் வழங்கப்பட்டு இருக்கின்றன. இதன் முன்புறம் டிஸ்க் பிரேக் மற்றும் பின்புறத்தில் டிரம் பிரேக் வழங்கப்பட்டு இருக்கிறது. முதற்கட்டமாக சீனாவில் அறிமுகமாகி இருக்கும்  சி30 வரும் மாதங்களில் அமெரிக்கா மற்றும் ஐரோப்பிய சந்தைகளில் அறிமுகம் செய்யப்படும் என தெரிகிறது.