கவாசகி இசட்எக்ஸ்-25ஆர் மோட்டார்சைக்கிள் அறிமுகம்

கவாசகி நிறுவனத்தின் அதிகம் எதிர்பார்க்கப்பட்ட நின்ஜா இசட்எக்ஸ்-25ஆர் மோட்டார்சைக்கிள் இந்தோனேசியாவில் அறிமுகம் செய்யப்பட்டது. புதிய மோட்டார்சைக்கிள் ஸ்டான்டர்டு மற்றும் ஸ்பெஷல் எடிஷன் என இரண்டு வேரியண்ட்களில் கிடைக்கிறது. இவற்றின் விலை இந்திய மதிப்பில் முறையே ரூ. 5,02,163 மற்றும் ரூ. 5,90,565 என நிர்ணயம் செய்யப்பட்டுள்ளது.

கவாசகி நின்ஜா இசட்எக்ஸ்-25ஆர் ஸ்டான்டர்டு வேரியண்ட் மெட்டாலிக் ஸ்பார்க் நிறத்திலும், ஸ்பெஷல் எடிஷன் மாடல் லைம்கிரீன்/எபோனி, மெட்டாலிக் ஸ்பார்க் பிளாக்/பியல் ஃபிளாட் ஸ்டார்டஸ்ட் வைட் மற்றும் கேண்டி பிளாஸ்மா புளூ/ மெட்டாலிக் ஸ்பார்க் புளூ நிறங்களில் கிடைக்கிறது.

டிரெலிஸ் ஃபிரேம், ஃபுல் ஃபேரிங் வடிவமைப்பு, செமி டிஜிட்டல் இன்ஸ்ட்ரூமென்ட் கிளஸ்டர், ட்வின் பாட் எல்இடி ஹெட்லைட், எல்இடி டெயில் லைட் மற்றும் ஸ்ப்லிட் சீட் சேடிள் வழங்கப்பட்டு இருக்கிறது.

புதிய நின்ஜா மோட்டார்சைக்கிளில் 249சிசி, இன்லைன் 4 சிலிண்டர், லிக்விட் கூல்டு என்ஜின் வழங்கப்பட்டுள்ளது. இந்த என்ஜின் 49.3 பிஹெச்பி பவர், 22.9 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் வழங்க்பட்டுள்ளது.