டிரையம்ப் போன்வில் டி100 மற்றும் டி120 பிளாக் எடிஷன் இந்தியாவில் அறிமுகம்

டிரையம்ப் மோட்டார்சைக்கிள்ஸ் நிறுவனம் டி100 மற்றும் டி120 மாடல்களின் பிளாக் எடிஷன் வெர்ஷன்களை இந்திய சந்தையில் அறிமுகம் செய்துள்ளது. புதிய டிரையம்ப் போன்வில் டி100 பிளாக் எடிஷன் மற்றும் டி120 பிளாக் எடிஷன் மாடல்களின் விலை முறையே ரூ. 8.87 லட்சம் மற்றும் ரூ. 9.97 லட்சம் என நிர்ணயம் செய்யப்பட்டுள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டுள்ளது.

இரு மாடல்களும் பிளாக்டு-அவுட் தோற்றம் பெற்று இருக்கிறது. இரு மோட்டார்சைக்கிள்களிலும் காஸ்மெடிக் மாற்றங்கள் மட்டுமே செய்யப்பட்டுள்ளன. புதிய பிளாக்டு-அவுட் தோற்றம் மோட்டார்சைக்கிளுக்கு அதிநவீன தோற்றத்தை வழங்குகிறது. இத்துடன் போன்வில் மாடல்களின் எண்ணிக்கையை இந்திய சந்தையில் அதிகப்படுத்தி இருக்கிறது.

டிரையம்ப் போன்வில் டி100 மாடல் மேட் பிளாக் அல்லது கிளாஸ் பிளாக் நிறங்களிலும் டி120 மாடல் மேட் கிராஃபைட் ஃபினிஷ் செய்யப்பட்டுள்ளது. இவை தவிர மோட்டார்சைக்கிள்களில் எந்த அம்சங்களும் மாற்றப்படவில்லை.

அந்த வகையில் டிரையம்ப் போன்வில் டி100 பிளாக் எடிஷன் 900சிசி பேரலெல் ட்வின் என்ஜின் கொண்டிருக்கிறது. இது 54 பிஹெச்பி பவர், 84 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்பட்டு இருக்கிறது. 

டிரையம்ப் போன்வில் டி120 பிளாக் எடிஷன் மாடலில் 1200சிசி பேரலெல் ட்வின் என்ஜின் வழங்கப்பட்டுள்ளது. இது 79 பிஹெச்பி பவர், 105 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.