ஆட்டோமொபைல்
டிவிஎஸ் ஜூப்பிட்டர்

ஜூப்பிட்டர் பிஎஸ்6 விலையையும் மாற்றிய டிவிஎஸ் மோட்டார்ஸ்

Published On 2020-06-06 10:00 GMT   |   Update On 2020-06-06 10:00 GMT
டிவிஎஸ் மோட்டார் நிறுவனம் தனது ஜூப்பிட்டர் பிஎஸ்6 ஸ்கூட்டரின் விலையையும் இந்தியாவில் அதிரடியாக மாற்றியுள்ளது.



டிவிஎஸ் மோட்டார் கம்பெனி நிறுவனம் தனது ஜூப்பிட்டர் பிஎஸ்6 ஸ்கூட்டரின் விலையை இந்தியாவில் சத்தமில்லாமல் உயர்த்தி உள்ளது. விலை உயர்வு ஜூப்பிட்டர் பிஎஸ்6 அனைத்து வேரியண்ட்களுக்கும் பொருந்தும். விலை உயர்வுக்கு பின் டிவிஎஸ் ஜூப்பிட்டர் பிஎஸ்6 மாடல் துவக்க விலை ரூ. 62,062 ஆகும். இது முந்தைய விலையை விட ரூ. 651 அதிகம் ஆகும்.

இந்தியாவில் டிவிஎஸ் ஜூப்பிட்டர் பிஎஸ்6 மாடல்- ஸ்டான்டர்டு, இசட்எக்ஸ் மற்றும் கிளாசிக் என மூன்று வேரியண்ட்களில் கிடைக்கிறது. ஸ்டான்டர்டு மற்றும் இசட்எக்ஸ் வேரியண்ட்களின் விலை ரூ. 613 உயர்த்தப்பட்டுள்ளது. டிவிஎஸ் ஜூப்பிட்டர் பிஎஸ்6 இசட்எக்ஸ் மாடல் புதிய விலை ரூ. 64,062 ஆகும்.



டாப் எண்ட் மாடலான டிவிஎஸ் ஜூப்பிட்டர் கிளாசிக் விலை ரூ. 651 உயர்த்தப்பட்டு தற்சமயம் ரூ. 68,562 முதல் துவங்குகிறது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டுள்ளன.

டிவிஎஸ் ஜூப்பிட்டர் பிஎஸ்6 மாடலில் 110சிசி சிங்கிள் சிலிண்டர் என்ஜின் வழங்கப்பட்டுள்ளது. இந்த என்ஜின் 7.4 பிஹெச்பி பவர், 8.4 என்எம் டார்க் செயல்திறன் வழங்குகிறது. புதிய என்ஜின் முந்தைய மாடலை விட அதிக செயல்திறன், மைலேஜ் வழங்குகிறது.
Tags:    

Similar News