ஆட்டோமொபைல்
சுசுகி அக்சஸ் 125 மற்றும் பர்க்மேன் ஸ்டிரீட் பிஎஸ்6 ஸ்கூட்டர்களின் விலை திடீர் மாற்றம்
சுசுகி மோட்டார்சைக்கிள்ஸ் நிறுவனம் இந்திய சந்தையில் தனது அக்சஸ் 125 மற்றும் பர்க்மேன் ஸ்டிரீட் பிஎஸ்6 ஸ்கூட்டர்களின் விலையை மாற்றியுள்ளது.
சுசுகி மோட்டார்சைக்கிள் இந்தியா நிறுவனம் தனது அக்சஸ் 125 மற்றும் பர்க்மேன் 125 பிஎஸ்6 ஸ்கூட்டர் மாடல்களின் விலையை உயர்த்தி இருக்கிறது. இரு மாடல்களின் விலையும் ரூ. 1800 உயர்த்தப்பட்டுள்ளது.
இந்தியாவில் சுசுகி அக்சஸ் 125 பிஎஸ்6 ஸ்கூட்டர் ஐந்து வேரியண்ட்களிலும், பர்க்மேன் ஸ்டிரீட் மாடல் ஒற்றை வேரியண்ட்டிலும் விற்பனை செய்யப்படுகிறது. அனைத்து வேரியண்ட்களின் விலையும் உயர்த்தப்பட்டு தற்சமயம் என்ட்ரி லெவல் அக்சஸ் 125 மாடல்ரூ. 68,000 என்றும் டாப் எண்ட் ஸ்பெஷல் எடிஷன் மாடல் ரூ. 73,400 என நிர்ணயம் செய்யப்பட்டுள்ளது.
சுசுகி பர்க்மேன் ஸ்டிரீட் 125 மாடல் ஒற்றை வேரியண்ட்டில் கிடைக்கிறது. இந்த ஸ்கூட்டர் விலை ரூ. 1800 உயர்த்தப்பட்டு தற்சமயம் ரூ. 79,700 விலையில் விற்பனை செய்யப்படுகிறது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.