இந்திய சந்தையில் பிஎஸ்6 அப்டேட் பெற்ற ஹோண்டா மோட்டார்சைக்கிள்

ஹோண்டா சிடி110 டிரீம் பிஎஸ்6 மாடலில் மேம்பட்ட 110சிசி ஏர்-கூல்டு சிங்கிள் சிலிண்டர் என்ஜின் வழங்கப்பட்டுள்ளது. இதன் செயல்திறன் விவரங்களை ஹோண்டா நிறுவனம் இதுவரை வெளியிடவில்லை. எனினும், இது பிஎஸ்4 மாடலில் உள்ளதை போன்றே இருக்கும் என கூறப்படுகிறது.

இதுதவிர புதிய பிஎஸ்6 மோட்டார்சைக்கிள் முந்தைய மாடலை விட எரிபொருளை குறைவாக பயன்படுத்தும் என ஹோண்டா தெரிவித்துள்ளது. புதிய ஹோண்டா சிடி 110 டிரீம் மோட்டார்சைக்கிளில் ஹோண்டாவின் புதிய இஎஸ்பி ஃபியூயல் இன்ஜெக்ஷன் தொழில்நுட்பம் வழங்கப்பட்டு இருக்கிறது.

மெக்கானிக்கல் மாற்றங்கள் தவிர 2020 ஹோண்டா சிடி 110 டிரீம் பிஎஸ்6 மாடலில் புதிய பாடி கிராஃபிக்ஸ், மேம்பட்ட தோற்றம், குரோம் எக்சாஸ்ட் ஷீல்டு, புதிய அலாய் வீல்கள் மற்றும் புதிய நிறத்திலும் கிடைக்கிறது.