ஆட்டோமொபைல்
அசத்தல் அம்சங்கள் நிறைந்த 2021கவாசகி நின்ஜா 1000எஸ்எக்ஸ் பிஎஸ்6 இந்தியாவில் அறிமுகம்
கவாசகி நிறுவனத்தின் 2021 கவாசகி நின்ஜா 1000 எஸ்எக்ஸ் பிஎஸ்6 மோட்டார்சைக்கிள் பல்வேறு புதிய அம்சங்களுடன் அறிமுகம் செய்யப்பட்டது.
கவாசகி நிறுவனம் 2021 நின்ஜா எஸ்எக்ஸ் பிஎஸ்6 மோட்டார்சைக்கிள் மாடலை இந்திய சந்தையில் அறிமுகம் செய்தது. புதிய மோட்டார்சைக்கிள் நான்காம் தலைமுறை நின்ஜா 1000எஸ்எக்ஸ் மாடல் ஆகும். இந்தியாவில் புதிய 2021 கவாசகி நின்ஜா எஸ்எக்ஸ் பிஎஸ்6 மாடல் விலை ரூ. 10.79 லட்சம், எக்ஸ் ஷோரூம் என நிர்ணயம் செய்யப்பட்டுள்ளது.
இந்தியாவில் உற்பத்தி செய்யப்பட இருக்கும் முதல் பிரீமியம் ஸ்போர்ட் டூரர் மாடலாக கவாசகி நின்ஜா 1000எஸ்எக்ஸ் இருக்கிறது. 2021 மாடலில் பல்வேறு புதிய அம்சங்கள் மற்றும் உபகரணங்கள் வழங்கப்பட்டுள்ளன.
அதன்படி கூர்மையான வடிவமைப்பு, மேம்பட்ட எக்சாஸ்ட் சிஸ்டம், இருபக்கங்களில் வழங்கப்பட்ட ட்வின் எக்சிட்களுக்கு மாற்றாக ஒற்றை எக்சாஸ்ட் சிஸ்டம் மோட்டார்சைக்கிளின் வலதுபுறத்தில் வழங்கப்பட்டு இருக்கிறது. இதுதவிர பக்கவாட்டில் மேம்பட்ட பேனல்களும் பின்புறத்தில் சிறிதளவு மாற்றங்களும் செய்யப்பட்டு இருக்கின்றன.
இந்த என்ஜின் 140 பிஹெச்பி பவர், 111 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இத்துடன் எலெக்டிரானிக் திராட்டிள் வால்வுகள், எலெக்ட்ரானிக் குரூயிஸ் கண்ட்ரோல், குவிக் ஷிஃப்டர், இன்டெலிஜன்ட் ஆன்டி-லாக் பிரேக் சிஸ்டம், 3 ஸ்டெப் டிராக்ஷன் கண்ட்ரோல் உள்ளிட்டவை வழங்கப்பட்டுள்ளன.
புதிய 2021 கவாசகி நின்ஜா 1000 எஸ்எக்ஸ் பிஎஸ்6 மோட்டார்சைக்கிள் மெட்டாலிக் கிராஃபைட் கிரே / மெட்டாலிக் டையப்ளோ பிளாக் மற்றும் எமரால்டு கிலேஸ்டு கிரீன் / மெட்டாலிக் கார்பன் கிரே / மெட்டாலிக் கிராஃபைட் கிரே என இரண்டு நிறங்களில் கிடைக்கிறது.