ஆட்டோமொபைல்
ஜாவா மோட்டார்சைக்கிள்

ஜாவா மோட்டார்சைக்கிள் வாங்க இத்தனை மாதங்கள் காத்திருக்க வேண்டும்

Published On 2019-12-11 09:31 GMT   |   Update On 2019-12-11 09:31 GMT
ஜாவா நிறுவன மோட்டார்சைக்கிள்களை பெற இத்தனை மாதங்கள் காத்திருக்க வேண்டும் என அந்நிறுவனம் அறிவித்துள்ளது.



ஜாவா மோட்டார்சைக்கிள்ஸ் நிறுவன வாகனங்களை பெற ஐந்து மாதங்கள் காத்திருக்க வேண்டும் என அந்நிறுவனம் அறிவித்துள்ளது. இந்த அறிவிப்பை மஹிந்திரா குழும நிறுவனம் தனது அதிகாரப்பூர்வ சமூக வலைத்தள பக்கத்தில் தெரிவித்து இருக்கிறது. முன்னதாக வெளியான தகவல்களில் புதிய ஜாவா மோட்டார்சைக்கிள்களை பெற 10 முதல் 15 நாட்கள் காத்திருந்தாலே போதும் என கூறப்பட்டது.

இதுகுறித்து வெளியான மற்ற தகவல்களில் ஜாவா மற்றும் ஜாவா ஃபார்டி டூ மாடல்களுக்கான காத்திருப்பு காலம் குறைந்துள்ளதாக தகவல் வெளியானது. எனினும், இந்த தகவல்களில் உண்மையில்லை என உறுதியாகி இருக்கிறது.



அந்த வகையில் ஜாவா மற்றும் ஜாவா ஃபார்டி டூ மாடல்களை வாங்க முன்பதிவு செய்ததில் இருந்து ஐந்து மாதங்கள் வரை காத்திருக்க வேண்டிய நிலை ஏற்பட்டுள்ளது. ஜாவா பெராக் மோட்டார்சைக்கிளுக்கான முன்பதிவு ஜனவரி 2020-இல் துவங்குகிறது. இதன் விநியோகம் ஏப்ரல் 2020 முதல் துவங்கும்.

ஜாவா மற்றும் ஃபார்டி டு மாடல்களில் 293சிசி மோட்டார் வழங்கப்பட்டுள்ளது. இதன் செயல்திறன் அளவுகளில் எவ்வித மாற்றமும் செய்யப்படாது என கூறப்படுகிறது. ஜாவா பெராக் மோட்டார்சைக்கிள் நேரடியாக பி.எஸ். 6 புகை விதிகளுக்கு பொருந்தும் மாடல் விற்பனை செய்யப்பட இருக்கிறது.
Tags:    

Similar News