ஆட்டோ டிப்ஸ்

எலெக்ட்ரிக் ஸ்கூட்டர் உற்பத்தி குறித்து சூப்பர் அப்டேட் - சிம்பில் எனர்ஜி அதிரடி!

Update: 2022-12-02 11:37 GMT
  • சிம்பில் எனர்ஜி நிறுவனம் இந்திய சந்தையில் தனது முதல் எலெக்ட்ரிக் ஸ்கூட்டரை ஏற்கனவே அறிமுகம் செய்து விட்டது.
  • புதிய சிம்பில் ஒன் எலெக்ட்ரிக் ஸ்கூட்டரின் முன்பதிவு பற்றிய புது தகவல்கள் இணையத்தில் வெளியாகி உள்ளன.

சிம்பில் எனர்ஜி நிறுவனம் இந்தியாவில் தனது வாகனத்தின் உற்பத்தியை அடுத்த ஆண்டு ஜனவரி மாதத்தின் முதல் வாரத்தில் துவங்க இருக்கிறது. ஜனவரி 19, 2023 முதல் சிம்பில் விஷன் 1.0 ஆலையில் இருந்து சிம்பில் ஒன் பிரீமியம் எலெக்ட்ரிக் ஸ்கூட்டர் உற்பத்தி துவங்கவுள்ளது.

சமீபத்தில் தீன் சிம்பில் எனர்ஜி நிறுவனம் சுமார் 2 லட்சம் சதுர அடி நிலப்பரப்பில் உற்பத்தி ஆலையை கட்டமைக்க துவங்கியது. இந்த ஆலையில் ஒவ்வொரு ஆண்டும் சுமார் ஒரு லட்சம் எலெக்ட்ரிக் ஸ்கூட்டர்களை உற்பத்தி செய்ய முடியும். உற்பத்தி ஆலையை கட்டமைக்க சிம்பில் எனர்ஜி நிறுவனம் ரூ. 100 கோடிக்கும் அதிக தொகையை முதலீடாக செலவழித்து இருக்கிறது.

"நாங்கள் திட்டமிடலில் இருந்து நிறைவேற்றுதல், ப்ரோடோடைப்பில் இருந்து உற்பத்திக்கு, கனவுகளில் இருந்து நிஜத்திற்கு அதிகாரப்பூர்வமாக மாறுகிறோம்," என சிம்பில் எனர்ஜி நிறுவனத்தின் நிறுவனர் மற்றும் தலைமை செயல் அதிகாரி சுகாஷ் ராஜ்குமார் தெரிவித்து இருக்கிறார்.

இதுதவிர உற்பத்தியை மேலும் அதிகப்படுத்தும் நோக்கில் சிம்பில் எனர்ஜி நிறுவனம் தமிழ்நாட்டின் தருமபுரி மாவட்டத்தில் மற்றொரு உற்பத்தி ஆலையை கட்டமைக்க திட்டமிட்டுள்ளது. இந்த ஆலையில் ஒவ்வொரு ஆண்டும் 1 லட்சத்து 25 ஆயிரத்திற்கும் அதிக ஸ்கூட்டர்களை உற்பத்தி செய்ய முடியும். ஓசூரில் உள்ள முற்றிலும் புது ஆலையில் உற்பத்தி பணிகள் ஜனவரி மாத வாக்கில் துவங்கும் என சிம்பில் எனர்ஜி அறிவித்து இருக்கிறது.

இந்திய சந்தையில் ஏத்தர் 450X, ஒலா S1 சீரிஸ் மற்றும் இதர எலெக்ட்ரிக் ஸ்கூட்டர்களுக்கு போட்டியாக சிம்பில் எனர்ஜி உருவாக்கிய முதல் தயாரிப்பு சிம்பில் ஒன் என அழைக்கப்படுகிறது. இந்த எலெக்ட்ரிக் ஸ்கூட்டரில் உள்ள 4.8 கிலோவாட் ஹவர் பேட்டரி மற்றும் 4,5 கிலோவாட் எலெக்ட்ரிக் மோட்டார் 72 நியூட்டன் மீட்டர் டார்க் இழுவிசையை வெளிப்படுத்துகிறது. இந்த ஸ்கூட்டர் மணிக்கு அதிகபட்சம் 105 கிமீ வேகத்திலும், முழு சார்ஜ் செய்தால் 236 கிமீ ரேன்ஜ் வழங்கும் திறன் கொண்டுள்ளது.

Tags:    

Similar News