விற்பனையகம் வந்தடைந்த ஃபோர்டு என்டேவர் ஸ்போர்ட்

ஃபோர்டு என்டேவர் ஸ்போர்ட் மாடல் விற்பனையகம் வர துவங்கி உள்ளது. அந்த வகையில் புதிய கார் விரைவில் அறிமுகமாகும் என எதிர்பார்க்கலாம். காஸ்மெடிங் மாற்றங்கள் தவிர இந்த காரில் புதிய அம்சங்கள் வழங்கப்படலாம் என தெரிகிறது.

தற்போதைய மாடலை விட வித்தியாசமாக மாற்ற ஃபோர்டு என்டேவர் ஸ்போர்ட் மாடலை சுற்றி பிளாக் எலிமென்ட்கள் வழங்கப்படுகிறது. இந்த எஸ்யுவி மாடல் பிளாக் கிரில், முன்புறம் மற்றும் பின்புற பம்ப்பர்களில் பிளாக் இன்சர்ட்கள் வழங்கப்படுகிறது. 

இதன் டெயில்கேட் பகுதியில் ஸ்போர்ட் பேட்ஜ் மற்றும் பிளாக் ஸ்ட்ரிப் வழங்கப்பட்டு உள்ளது. இத்துடன் என்டேவர் ஸ்போர்ட் மாடலில் சைடு ஸ்டெப்கள், பிளாக் ORVMகள் மற்றும் பிளாக் அலாய் வீல்கள் வழங்கப்பட்டு இருக்கின்றன.

புதிய என்டேவர் ஸ்போர்ட் மாடலில் 2.0 லிட்டர் இகோபுளூ டீசல் என்ஜின் வழங்கப்படுகிறது. இந்த என்ஜின் 168 பிஹெச்பி பவர், 420 என்எம் டார்க் செயல்திறன் வழங்குகிறது. இத்துடன் 10 ஸ்பீடு ஆட்டோமேடிக் டிரான்ஸ்மிஷன் கொண்டுள்ளது.