ஆட்டோமொபைல்
டாடா வாகனங்களுக்கு சிறப்பு சலுகை அறிவிப்பு
டாடா நிறுவன கார் மாடல்களுக்கு கவர்ச்சிகர சிறப்பு சலுகைகள் அறிவிக்கப்பட்டு இருக்கிறது. இதன் விவரங்களை பார்ப்போம்.
டாடா மோட்டார்ஸ் நிறுவனம் தனது நெக்சான், டியாகோ மற்றும் அல்ட்ரோஸ் மாடல்களை வாங்குவோருக்கு சிறப்பு நிதி சலுகைகளை அறிவித்து இருக்கிறது.
ஜீரோ டவுன்பேமண்ட் துவங்கி, ஆறு மாத தவணை விடுமுறை மற்றும் ஆன்-ரோட் விலையில் 100 சதவீத நிதி சலுகை மற்றும் ஐந்து ஆண்டுகள் வரை மாத தவணை முறை வசதி வழங்கப்படுகிறது. இந்த சலுகைகள் அனைத்தும் நாடு முழுக்க அனைத்து டாடா மோட்டார்ஸ் விற்பனையகங்களில் வழங்கப்படுகிறது.
இதுதவிர மாத தவணைகளுக்கு மிக குறைந்த வட்டி வசூலிக்கப்படுவதாக தெரிவிக்கப்பட்டு இருக்கிறது. இந்த ஆண்டு துவக்கத்தில் டாடா நிறுவனம் தனது டியாகோ, அல்ட்ரோஸ், நெக்சான் மற்றும் ஹேரியர் மாடல்களின் பிஎஸ்6 வெர்ஷனை அறிமுகம் செய்தது.