ஜூன் மாதத்தில் டொயோட்டா கார் விற்பனை விவரம்

டொயோட்டா கிர்லோஸ்கர் மோட்டார் நிறுவனம் ஜூன் 2020 மாதத்தில் மட்டும் 3866 வாகனங்களை விற்பனை செய்து இருக்கிறது. இது கடந்த ஆண்டு இதே மாதத்தில் நடைபெற்ற விற்பனையுடன் ஒப்பிடும் போது 63 சதவீதம் குறைவு ஆகும். 

இந்த ஆண்டு மே மாதத்தில் டொயோட்டா கிர்லோஸ்கர் மோட்டார் நிறுவனம் 1639 யூனிட்களை விற்பனை செய்திருந்தது. நாடு தழுவிய ஊரடங்கு அறிவிக்கப்பட்டதை தொடர்ந்து வாகனங்கள் விற்பனை சரிவடைந்தது. பின் ஊரடங்கில் தளர்வுகள் அறிவிக்கப்படதால், விற்பனை மீண்டும் அதிகரிக்க துவங்கியது.

சந்தையில் தட்டுப்பாடு மீண்டும் அதிகரிக்க துவங்கியது மற்றும் விற்பனை ஒப்பந்ததாரர்கள் வழங்கிய ஒத்துழைப்பு காரணமாக வாடிக்கையாளர் எதிர்பார்ப்புகளை பூர்த்தி செய்ய முடிந்ததாக டொயோட்டா கிர்லோஸ்கர் மோட்டார் நிறுவனத்தின் விற்பனை மற்றும் சர்வீஸ் பிரிவு மூத்த துணை தலைவர் நவீன் சோனி தெரிவித்தார்.