ஆட்டோமொபைல்
ஜெனிவா மோட்டார் விழா

2021 ஆண்டு நடைபெற இருந்த மோட்டார் விழா ரத்து

Published On 2020-06-30 11:17 GMT   |   Update On 2020-06-30 11:17 GMT
2021 ஆண்டு நடைபெற திட்டமிடப்பட்டு இருந்த சர்வதேச மோட்டார் விழா ரத்து செய்யப்பட்டு இருக்கிறது.


ஆட்டோமொபைல் சந்தையில் மிகவும் பிரபலமான ஜெனிவா மோட்டார் விழா அடுத்த ஆண்டு நடைபெறாது என அறிவிக்கப்பட்டு இருக்கிறது. 

பெரும்பாலான நிறுவனங்கள் கலந்து கொள்ள விரும்பவில்லை என தெரிவித்ததால், ஆட்டோ விழா ரத்து செய்யப்படுவதாக அதன் ஏற்பட்டாளர்கள் தெரிவித்து இருக்கிறது. இந்த ஆண்டு மார்ச் மாதத்தில் நடைபெற இருந்த 2020 ஜெனிவா மோட்டார் விழா கொரோனா வைரஸ் பாதிப்பு காரணமாக கடைசி நேரத்தில் ரத்து செய்யப்பட்டது. 

அடுத்த ஆண்டிற்கான விழா ஏற்பாடு பற்றிய முதற்கட்ட பணிகளின் போது பல்வேறு நிறுவனங்கள் கலந்து கொள்ள விருப்பம் தெரிவிக்காததால், விழா ரத்து செய்வதென முடிவு எடுக்கப்பட்டுள்ளது.

உலகம் முழுக்க கொரோனா வைரஸ் பாதிப்பு காரணமாக பல்வேறு நிகழ்வுகள் ரத்து செய்யப்பட்டு வருகிறது. இந்நிலையில், அடுத்த ஆண்டு நடைபெற இருந்த சர்வதேச ஆட்டோ விழா ரத்து செய்யப்படுவதாக இப்போதே அறிவிக்கப்பட்டு விட்டது. 
Tags:    

Similar News