ஆட்டோமொபைல்
சுசுகி ஸ்கூட்டர்கள்

இருசக்கர வாகனங்களுக்கு வீட்டு வாசலில் விற்பனை மற்றும் சர்வீஸ் செய்யும் சுசுகி

Published On 2020-06-04 11:57 GMT   |   Update On 2020-06-04 11:57 GMT
சுசுகி மோட்டார்சைக்கிள் இந்தியா நிறுவனம் தனது மோட்டார்சைக்கிள் மற்றும் ஸ்கூட்டர்களுக்கு வீட்டு வாசலில் விற்பனை மற்றும் சர்வீஸ் செய்வதாக அறிவித்துள்ளது.



சுசுகி மோட்டார்சைக்கிள் இந்தியா நிறுவனம் தனது மோட்டார்சைக்கிள் மற்றும் ஸ்கூட்டர் மாடல்களுக்கு வீட்டு வாசலில் விற்பனை மற்றும் சர்வீஸ் செய்ய புதிய திட்டத்தை அறிவித்துள்ளது. இந்த திட்டத்தின் மூலம் கொரோனா வைரஸ் ஊரடங்குக்கு பின் ஏற்படும் தட்டுப்பாடை போக்க உதவும் என தெரிகிறது.

புதிய திட்டத்தின் கீழ் வாடிக்கையாளர்கள் தங்களது வீடுகளில் இருந்தபடி புதிய வாகனங்களை வாங்குவது மட்டுமின்றி டெஸ்ட் ரைட் உள்ளிட்டவற்றை மேற்கொள்ள வழி செய்கிறது. இத்துடன் ஏற்கனவே சுசுகி வாகனங்களை பயன்படுத்துவோருக்கு சர்வீஸ் சேவையும் வழங்கப்படுகிறது.



சுசுகி நிறுவனத்தின் புதிய திட்டத்தில் பயன்பெற வாடிக்கையாளர்கள் சுசுகியின் அதிகாரப்பூர்வ வலைதளத்தை பயன்படுத்தலாம். மேலே குறிப்பிடப்பட்டுள்ள அனைத்து சேவைகளையும் ஆன்லைனில் இயக்கும் வசதிகள் வலைதளத்தில் மேற்கொள்ளப்பட்டு இருக்கிறது.

இதுதவிர இலவச தொடர்பு எண் கொண்டு வாடிக்கையாளர்கள் புதிய சுசுகி இருசக்கர வாகனத்தை முன்பதிவு செய்து கொள்ள முடியும். இத்துடன் அழைப்பின் போது அருகாமையில் உள்ள விற்பனையகத்திற்கு தொடர்பு கொண்டு பேசும் வசதியும் வழங்கப்படுகிறது.
Tags:    

Similar News