பி.எம்.டபுள்யூ. கார் இந்திய விற்பனை விவரம்

பி.எம்.டபுள்யூ. இந்தியா நிறுவனத்தின் கார்கள் விற்பனை, கடந்த 2019-ஆம் ஆண்டில் 13 சதவீதம் சரிவடைந்துள்ளது. சொகுசு கார்களை தயாரித்து வரும் பி.எம்.டபுள்யூ. இந்தியா நிறுவனம், 2019 காலண்டர் ஆண்டில், மொத்தம் 9,641 கார்களை விற்பனை செய்துள்ளது. 

இதில் 9,000 பி.எம்.டபுள்யூ. கார்களும், 641 மினி கார்களும் அடங்கும். முந்தைய ஆண்டின் இதே காலத்துடன் ஒப்பிடும்போது இது 13 சதவீதம் குறைவு ஆகும். அப்போது விற்பனை 11,105 கார்களாக (10,405 பி.எம்.டபுள்யூ. கார்கள் + 700 மினி கார்கள்) இருந்தது.

இந்திய மோட்டார் வாகன துறையில் தேக்கநிலை உருவாகி, கடந்த ஆண்டில் பல நிறுவனங்கள் உற்பத்தி குறைப்பு நடவடிக்கையில் ஈடுபட்டு வந்த நிலையில் சொகுசு கார்கள் விற்பனையும் சரிவைச் சந்தித்து இருக்கிறது.