மல்யுத்தத்தில் இந்திய வீராங்கனை திவ்யா கக்ரன் வெண்கல பதக்கம் வென்றார்

இந்தோனேசியாவில் நடைபெற்று வரும் ஆசிய விளையாட்டு போட்டியில் பெண்களுக்கான மல்யுத்தம் போட்டிகள் இன்று நடைபெற்றன. ப்ரீஸ்டைல் 68 கிலோ எடைப்பிரிவில் இந்திய வீராங்கனை திவ்யா கக்ரன் காலிறுதி ஒன்றில் மங்கோலிய வீராங்கனை டுமென்ட்செட்கெக்-ஐ எதிர்கொண்டார். இதில் திவ்யா கக்ரன் 1-11 என தோல்வியடைந்தார்.



டுமென்ட்செட்கெக் இறுதிப் போட்டிக்கு முன்னேறியதால் அவரிடம் காலிறுதியில் தோல்வியடைந்த திவ்யா கக்ரன் வெண்கல பதக்கத்திற்கான போட்டியில் அரையிறுதியில் தோல்வியடைந்த சீன தைபேயின் வென்லிங் சென்னை எதிர் கொண்டார். இதில் திவ்யா கக்ரன் 10-0 என வெற்றி பெற்று வெண்கல பதக்கம் வென்றார்.