search icon
என் மலர்tooltip icon

    தொழில்நுட்பம்

    வி
    X
    வி

    ரூ. 51 துவக்க விலையில் வோடபோன் ஐடியா புது சலுகை அறிவிப்பு

    வோடபோன் ஐடியா நிறுவனம் இந்திய சந்தையில் இரண்டு புதிய சலுகைகளை அறிவித்து இருக்கிறது.


    வோடபோன் ஐடியா நிறுவனம் ரூ. 51 மற்றும் ரூ. 301 விலையில் இரண்டு பிரீபெயிட் காம்போ சலுகைகளை அறிவித்து இருக்கிறது. இரு சலுகைகளிலும் ஆதித்யா பிர்லா இன்சூரன்ஸ் பலன்களை வழங்குகிறது. இரண்டு சலுகைகளில் இன்சூரன்ஸ் பலன்கள் 18 முதல் 55 வயதுடையவர்களுக்கு கிடைக்கும். 

    வி ரூ. 51 சலுகை ஆட்-ஆன் வகையில் வழங்கப்படுகிறது. ரூ. 301 சலுகை தனி பிரீபெயிட் சலுகை ஆகும். இரு சலுகைகளும் ‘Vi Hospicare' என அழைக்கப்படுகிறது. ஆதித்யா பிர்லா வழங்கும் இன்சூரன்ஸ் திட்டம் முன்னணி மருத்துவமனைகளில் பயன்படுத்திக் கொள்ள முடியும்.

    மருத்துவமனையில் இருந்து பெற்ற டிஸ்சார்ஜ் சான்றை காண்பித்து இன்சூரன்ஸ் பலன்களை பெற முடியும் என வி நிறுவனம் தெரிவித்து இருக்கிறது. இன்சூரன்ஸ் பலன்கள் மட்டுமின்றி ரூ. 51 ஆட் ஆன் சலுகையில் 28 நாட்களுக்கு 500 எஸ்எம்எஸ் வழங்குகிறது.

    ரூ. 301 பிரீபெயிட் சலுகையில் தினமும் 1.5 ஜிபி டேட்டா, கூடுதலாக 2 ஜிபி டேட்டா, அன்லிமிடெட் வாய்ஸ் கால் வழங்குகிறது. இரு சலுகைகளும் 28 நாட்கள் வேலிடிட்டி கொண்டுள்ளன.
    Next Story
    ×