நீங்கள் தேடியது "தமிழ்நாடு டிராகன்ஸ்"

8 அணிகள் பங்கேற்றுள்ள 7-வது ஆக்கி இந்தியா லீக்கின் 3-வது மற்றும் இறுதிகட்ட போட்டி ஒடிசா மாநிலம் புவனேஸ்வரில் நேற்று தொடங்கியது.

முதல் கட்ட ஆட்டங்கள் சென்னையிலும்,2-வது கட்ட போட்டிகள் ராஞ்சியிலும் நடைபெற்றது.

சென்னையை மையமாக கொண்ட அக்கார்டு தமிழ்நாடு டிராகன்ஸ் 5 ஆட்டத்தில் 3 வெற்றி, 2 தோல்வி யுடன் 7 புள்ளிகள் பெற்று 5-வது இடத்தில் உள்ளது.

முதல் போட்டியில் ஐதராபாத் டூபான்சையும், 2-வது ஆட்டத்தில் சூர்மா ஆக்கி கிளப்பையும், 3-வது போட்டியில் எஸ்.ஜி. பைபர்சையும் வீழ்த்தி இருந்தது. ஹாட்ரிக் வெற்றிக்கு பிறகு எச்.ஐ.எல்.ஜி.சி, பெங்கால் டைகர்ஸ் அணிகளிடம் தொடர்ச்சியாக வீழ்ந்தது.

அமித் ரோகித் தாஸ் தலைமையிலான தமிழ்நாடு டிராகன்ஸ் 6-வது ஆட்டத்தில் கலிங்கா லான்சர்சை இன்று இரவு 7.30 மணிக்கு சந்திக்கிறது.

தமிழ்நாடு டிராகன்ஸ் அணி கலிங்கா லான்சர்சை வீழ்த்தி 4-வது வெற்றியை பெறுமா? என்று ஆவலுடன் எதிர்பார்க்கப்படுகிறது. பிளே ஆப் சுற்று வாய்ப்பில் நீடிக்க வெற்றி பெற வேண்டிய நெருக்கடியில் உள்ளது.

இதனால் தமிழ்நாடு டிராகன்ஸ் வீரர்கள் முழு திறமையையும் வெளிப்படுத்த வேண்டும். டிராகன்ஸ் வெற்றிப்பாதைக்கு திரும்புமா? என்ற எதிர்பார்ப்பு உள்ளது. அதே நேரத்தில் லான்செர்ஸ் அணியை வீழ்த்துவது சவாலானது.

அந்த அணி 5 வெற்றியுடன் 14 புள்ளிகள் பெற்று முதல் இடத்தில் உள்ளது. லான்செர்ஸ் இதுவரை தோல்வியை தழுவவில்லை.

முன்னதாக மாலை 5 மணிக்கு நடைபெறும் ஆட்டத்தில் நடப்பு சாம்பியன் பெங்கால் டைகர்ஸ்-எஸ்.ஜி.பைபர்ஸ் அணிகள் மோதுகின்றன. பெங்கால் அணி 6 புள்ளியுடன் 6-வது இடத்திலும், பைபர்ஸ் 4 புள்ளியுடன் கடைசி இடத்திலும் உள்ளன.

'லீக்' முடிவில் முதல் 4 இடங்களை பிடிக்கும் அணிகள் பிளேஆப் சுற்றுக்கு தகுதிபெறும்.

ரூர்கேலா:

8 அணிகள் பங்கேற்கும் ஆக்கி இந்தியா லீக் போட்டி ஒடிசா மாநிலம் ரூர்கேலாவில் நடைபெற்று வருகிறது.

சென்னையை மையமாகக் கொண்ட தமிழ்நாடு டிராகன்ஸ் அணி தொடக்க ஆட்டத்தில் சூர்மா கிளப்பிடம் பெனால்டி ஷூட் அவுட்டில் (1-4) தோற்றது.

2-வது ஆட்டத்தில் கலிங்கா லான்செஸ் அணியை பெனால்டி ஷூட் அவுட்டில் (6-5) வென்றது. 3-வது ஆட்டத்தில் 2-0 என்ற கோல் கணக்கில் உ.பி. ருத்ராவை வீழ்த்தியது.

தமிழ்நாடு டிராகன்ஸ் அணி 4-வது ஆட்டத்தில் விசாகப்பட்டினத்தை மையமாகக் கொண்ட கோனாசிகா அணியை நேற்று எதிர் கொண்டது.

பரபரப்பான இந்த ஆட்டத்தில் தமிழ்நாடு டிராகன்ஸ் 6-5 என்ற கோல் கணக்கில் கோனாசிகா அணியை வீழ்த்தி ஹாட்ரிக் வெற்றியை பெற்றது.

தமிழ்நாடு டிராகன்ஸ் அணியில் இடம் பெற்றுள்ள நெதர்லாந்தை சேர்ந்த ஜிப் ஜான்சன் ஹாட்ரிக் கோல் அடித்து முத்திரை பதித்தார். அவர் 19, 33 மற்றும் 50-வது நிமிடத்தில் கோல் அடித்தார்.

இந்த போட்டி தொடரில் முதல் ஹாட்ரிக் இதுவாகும். அப்ஹரன் கதேவ் (15-வது நிமிடம்), நாதன் எபிரம்ஸ் (55), கார்த்தி செல்வம் (59) ஆகியோர் தலா 1 கோல் அடித்தனர். தமிழக வீரர் கார்த்தி அடித்த கோல் வெற்றிக்கு காரணமாக அமைந்தது.

இந்த வெற்றி மூலம் தமிழ்நாடு டிராகன்ஸ் 4-வது இடத்தில் இருந்து 2-வது இடத்துக்கு முன்னேறியது. டிராகன்ஸ் 9 புள்ளியுடன் இருக்கிறது. பெங்கால் டைகர்ஸ் அணியும் 9 புள்ளி பெற்றுள்ளது. கோல்கள் அடிப்படையில் அந்த அணி முன்னிலை பெற்றுள்ளது. சூர்மா (7 புள்ளி), உ.பி. ருத்ராஸ் (6 புள்ளி) அணிகள் முறையே 3-வது, 4-வது இடங்களில் உள்ளன.

தமிழ்நாடு டிராகன்ஸ் 5-வது போட்டியில் பெங்கால் டைகர்சை நாளை (10-ந்தேதி) எதிர்கொள்கிறது. 

ரூர்கேலா:

8 அணிகள் பங்கேற்கும் ஹாக்கி இந்தியா லீக் போட்டி ஒடிசா மாநிலம் ரூர்கேலாவில் நடைபெற்று வருகிறது.

சென்னையை மையமாக கொண்ட தமிழ்நாடு டிராகன்ஸ் அணி தொடக்க ஆட்டத்தில் சூர்மா கிளப்பிடம் பெனால்டி ஷூட் அவுட்டில் (1-4) தோற்றது.

2-வது ஆட்டத்தில் கலிங்கா லான்செஸ் அணியை பெனால்டி ஷூட் அவுட்டில் (6-5) வென்றது. 3-வது ஆட்டத்தில் 2-0 என்ற கோல் கணக்கில் உ.பி. ருத்ராவையும், 4-வது போட்டியில் 6-5 என்ற கணக்கில் கோனாசிகாவையும் வீழ்த்தியது.

தமிழ்நாடு டிராகன்ஸ் அணி 5-வது ஆட்டத்தில் பெங்கால் டைகர்சை நேற்று எதிர் கொண்டது.

பரபரப்பான இந்த ஆட்டத்தில் தமிழ்நாடு டிராகன்ஸ் 2-1 என்ற கோல் கணக்கில் பெங்கால் டைகர்சை வீழ்த்தி 4-வது வெற்றியை பெற்றது. தமிழ்நாடு டிராகன்ஸ் அணிக்காக கார்த்தி செல்வம் 16-வது நிமிடத்திலும், உத்தம் சிங் 37-வது நிமிடத்திலும் கோல் அடித்தனர். பெங்கால் அணிக்காக ரூபிந்தர்பால் சிங் 35-வது நிமிடத்தில் கோல் அடித்தார்.

இந்த வெற்றி மூலம் தமிழ்நாடு டிராகன்ஸ் 2-வது இடத்தில் இருந்து முதல் இடத்துக்கு முன்னேறியது. அந்த அணி 12 புள்ளிகளை பெற்றுள்ளது. பெங்கால் அணி 9 புள்ளியுடன் 2-வது இடத்துக்கு பின்தங்கியது. தமிழ்நாடு டிராகன்ஸ் 6-வது போட்டியில் டெல்லி பைப்பர்சை 13-ந்தேதி சந்திக்கிறது.