நீங்கள் தேடியது "KKRvsGT"

ஐபிஎல் கிரிக்கெட் தொடரில் இன்று இரண்டு போட்டிகள் நடைபெறுகின்றன. முதல் போட்டியில் கொல்கத்தா நைட் ரைடர்ஸ் மற்றும் குஜராத் டைட்டன்ஸ் அணிகள் மோதின. டாஸ் வென்ற குஜராத் டைட்டன்ஸ் அணி முதலில் பந்து வீச முடிவு செய்தது. இதைத் தொடர்ந்து பேட்டிங்கை தொடங்கிய கொல்கத்தா நைட் ரைடர்ஸ் ஆரம்பம் முதலே ரன் குவிப்பில் கவனமாக செயல்பட்டது.

முதலில் களமிறங்கிய நாராயண் ஜெகதீசன் 15 பந்துகளில் 19 ரன்களை குவித்து பெவிலியன் திரும்பினர். இவரைத் தொடர்ந்து களமிறங்கிய ஷார்துல் தாக்கூர் ரன் ஏதும் எடுக்காமல் தனது விக்கெட்டை பறிக் கொடுத்தார். அடுத்தத்தடுத்து களமிறங்கிய வெங்கடேஷ் ஐயர் மற்றும் கேப்டன் நிதிஷ் ராணா முறையே 11 மற்றும் 4 ரன்களை மட்டும் எடுத்தது ரசிகர்களை ஏமாற்றத்தில் ஆழ்த்தியது.

15 ஓவர்களில் 135 ரன்களை எடுத்த கொல்கத்தா அணி 5 விக்கெட்களை இழந்து தவித்தது. இதையடுத்து 20 ஓவர்கள் முடிவில் கொல்கத்தா அணி 7 விக்கெட் இழப்புக்கு 179 ரன்களை குவித்தது. கடைசியில் அதிரடி காட்டிய ஆண்ட்ரெ ரசல் 19 பந்துகளில் 34 ரன்களை குவித்து கடைசி பந்தில் தனது விக்கெட்டை பறிக் கொடுத்தார். குஜராத் சார்பில் சிறப்பாக பந்துவீசிய முகமது ஷமி 3 விக்கெட்களை வீழ்த்தினார். 

ஐபிஎல் கிரிக்கெட் தொடரில் இன்று நடைபெற்ற கொல்கத்தா நைட் ரைடர்ஸ் மற்றும் குஜராத் டைட்டன்ஸ் அணிகள் இடையேயான போட்டியில் கொல்கத்தா அணி முதலில் பேட்டிங் செய்தது. குர்பாஸ் மற்றும் ஆண்ட்ரெ ரசல் அதிரடி காரணமாக கொல்கத்தா அணி 20 ஓவர்களில் 179 ரன்களை குவித்தது.

பின் 180 ரன்களை துரத்திய குஜராத் டைட்டனஸ் அணியின் துவக்க வீரராக களமிறங்கிய சாஹா 10 ரன்களுக்கு தனது விக்கெட்டை இழந்தார். இவரைத் தொடர்ந்து மூன்றாவது வீரராக களமிறங்கிய குஜராத் அணி கேப்டன் ஹர்திக் பாண்ட்யா 20 பந்துகளில் 26 ரன்களை குவித்தார். மற்றொரு வீரரான சுப்மன் கில் 49 ரன்களுக்கு தனது விக்கெட்டை இழந்தார்.

11-வது ஒவரில் மூன்று விக்கெட்களை இழந்து தடுமாறியது குஜராத் டைட்டனஸ். பின் களமிறங்கிய டேவிட் மில்லர் மற்றும் விஜய் சங்கர் அதிரடியாக ரன் குவிப்பில் ஈடுபட்டனர். அரைசதம் அடித்து அசத்திய விஜய் சங்கர் 51 ரன்களை குவித்து ஆட்டமிழக்காமல் இருந்தார். குஜராத் டைட்டன்ஸ் அணி 7 விக்கெட் வித்தியாசத்தில் கொல்கத்தா நைட் ரைடர்ஸ் அணியை வீழ்த்தியது.