நீங்கள் தேடியது "cymbal players"

புதுச்சேரி:

புதுவை சிலம்பக் கலைக்கழகம் மற்றும் வீரபாண்டிய கட்டபொம்மன் சிலம்பாட்டக் குழு இணைந்து 7-ம் ஆண்டு மாநில அளவிலான சிலம்பம் மற்றும் குத்து வரிசை போட்டியை முருங்கப்பாக்கம் கைவினை கிராமத்தில் நடத்தியது.

ஒருங்கிணைப்பாளர் ராஜ்குமார் தலைமை தாங்கினார். போலீஸ் இன்ஸ்பெக்டர் இனியன், மத்திய கலாச்சார பண்பாட்டு அமைச்சக இயக்குனர் கோபால், சுற்றுலாத்துறை மேலாண் இயக்குனர் பாஸ்கர் ஆகியோர் போட்டிகளை தொடங்கி வைத்தனர். போட்டியில் 15-க்கும் மேற்பட்ட சிலம்ப பயிற்சி குழுக்கள் கலந்துகொண்டன.

வெற்றி பெற்ற வீரர்களுக்கு முன்னாள் எம்.எல்.ஏ. அனந்தராமன், காங்கிரஸ் பொது செயலாளர் சங்கர், வட்டார காங்கிரஸ் தலைவர்கள் அய்யப்பன், சிவராமகிருஷ்ணன், முருகன், தமிழர் களம் அழகர் ஆகியோர் பரிசு, சான்றிதழ்களை வழங்கினர்.