நீங்கள் தேடியது "big market"

புதுச்சேரி:

புதுவை மாநில ஏ.ஐ.டி.யு.சி நிர்வாக குழு கூட்டம் இன்று முதலியார் பேட்டை தலைமை அலுவலகத்தில் நடைபெற்றது.

கூட்டத்திற்கு மாநில தலைவர் தினேஷ் பொன்னையா தலைமை வகித்தார். மாநில பொதுச் செயலாளர் சேதுசெல்வம் நடைபெற்ற வேலைகள் சம்பந்தமாகவும், எதிர்கால செயல்பாடுகள் குறித்தும் பேசினார். கூட்டத்தில் கவுரவ தலைவர் அபிஷேகம், பொருளாளர் அந்தோணி, துணைத்தலைவர்கள் சேகர், சிவகுருநாதன், மரி கிறிஸ்டோபர், மாநில செயலாளர் துரை செல்வம், முத்துராமன், ஹேமலதா, செந்தில்முருகன், பாஸ்கர் பாண்டியன் உட்பட பலர் பங்கேற்றனர்.

கூட்டத்தில் நிறைவேற்றப்பட்ட தீர்மானங்கள் வருமாறு:-

பெரிய மார்க்கெட் குபேர் அங்காடியை ஒட்டுமொத்தமாக இடித்துவிட்டு கட்டுவதை கைவிட்டு புதுவை அரசு நகராட்சி நிர்வாகத்திற்கு நிதி ஒதுக்கீடு செய்து தேவையற்ற சில பகுதிகளை இடித்து விட்டு புதிய கடைகளை கட்டி இங்குள்ள வியாபாரிகளை இந்த கடைகளுக்கு மாற்றி கொடுக்க வேண்டும். பழைய கடைகளை இடிக்காமல் மராமத்து பணிகளை மேற்கொள்ள வேண்டும் அல்லது புதிய இடத்தில் பெரிய மார்க்கெட் கட்ட வேண்டும் என்பது உள்ளிட்ட பல தீர்மானங்கள் நிறைவேற்றப்பட்டன.