என் மலர்
நீங்கள் தேடியது "achievement Appreciation"
- சாதனை படைத்த மாணவனை பாராட்டி சான்றிதழ் வழங்கும் விழா பள்ளி வளாகத்தில் நடந்தது.
- இந்த மாணவன் 75 நாடுகளின் கொடிகள் மற்றும் 75 வெவ்வேறு படங்களின் பெயர்களை 4 நிமிடம், 30 வினாடிகளில் கூறி சாதனை படைத்துள்ளான்.
புதுச்சேரி:
மொளப்பாக்கம் அரசு நடுநிலைப்பள்ளியில் யூ.கே.ஜி. வகுப்பில் படிக்கும் 4 வயது மாணவன் இனியவன் படங்களை பார்த்து பெயர்களை கூறும் திறனில் வெற்றி பெற்று இந்தியா புக் ஆக் ரெக்கார்ட்ஸ்-2022 சாதனையாளர் விருது பெற்றுள்ளான். இந்த மாணவன் 75 நாடுகளின் கொடிகள் மற்றும் 75 வெவ்வேறு படங்களின் பெயர்களை 4 நிமிடம், 30 வினாடிகளில் கூறி சாதனை படைத்துள்ளான்.
இதனையடுத்து சாதனை படைத்த மாணவனை பாராட்டி சான்றிதழ் வழங்கும் விழா பள்ளி வளாகத்தில் நடந்தது. விழாவில் துணை சபாநாயகர் ராஜவேலு, நாலெஜ் என்ஜினீயரிங் அமைப்பின் நிறுவனர் ஷெரிபா ஆகியோர் மாணவனுக்கு இந்தியா புக் ஆப் ரெக்கார்ட்ஸ்-2022 சாதனையாளர் விருதினை வழங்கி பாராட்டினர். முதன்மை கல்வி அதிகாரி தனசெல்வன் நேரு சாதனை மாணவனையும், பள்ளி ஆசிரியர்களையும் பாராட்டி சிறப்புரையாற்றினார். மொளப்பாக்கம் அரசு நடுநிலைப்பள்ளியின் பொறுப்பாசிரியர் தமிழரசன் வரவேற்புரையாற்றினார். ஆசிரியர் ராஜசேகரன் நிகழ்ச்சியை தொகுத்து வழங்கினார்.
