ஒருநாள் போட்டிகளில் அதிவேகமாக 2,000 ரன்கள் - சுப்மன் கில் புதிய சாதனை

தரம்சாலாவில் நேற்று நடந்த உலக கோப்பை லீக் போட்டியில் இந்தியா, நியூசிலாந்து அணிகள் மோதின. முதலில் ஆடிய நியூசிலாந்து 273 ரன்னுக்கு ஆல் அவுட்டானது. அடுத்து ஆடிய இந்தியா 274 ரன்கள் எடுத்து வென்றது. இந்தியாவின் சுப்மன் கில் 5 பவுண்டரி உள்பட 26 ரன் எடுத்தார். ஒருநாள் போட்டிகளில் அதிவேகமாக 2 ஆயிரம் ரன்களைக் கடந்த வீரர் என்ற புதிய சாதனையை அவர் படைத்தார்.