ஆசிரியர் பட்டய படிப்புக்கு விண்ணப்பங்கள் வரவேற்பு

புதுச்சேரி:

புதுவை மாவட்ட ஆசிரியர் கல்வி பயிற்சி நிறுவன முதல்வர் வெளியிட்டுள்ள செய்திக்குறிப்பில் கூறியிருப்பதாவது:-

வரும் கல்வியாண்டிற்கான 2 ஆண்டு பட்ட படிப்புக்கு புதுவை மாநிலத்தை சேர்ந்த மாணவ, மாணவிகளிடம் விண்ணப்பங்கள் வரவேற்கப்படுகிறது. இதில் சேர பிளஸ்-2 அல்லது சமமான தேர்வில் குறைந்தபட்சம் 50 சதவீத மதிப்பெண் பெற்றிருக்க வேண்டும். பட்டியலின, மிகவும் பிற்படுத்தப்பட்ட, பிற்படுத்தப்பட்ட மாணவர்கள் 45 சதவீதம் மதிப்பெண் பெற்றிருக்க வேண்டும். வயது 29-க்கு உட்பட்டிருக்க வேண்டும். பட்டியலினத்தவருக்கு 3 ஆண்டு சலுகை உள்ளது.

வரும் 1-ந் தேதி முதல் ஜூலை 15-ந் தேதி வரை அனைத்து பணி நாட்களிலும் லாஸ்பேட்டை, தொல்காப்பியர் வீதி, மாவட்ட ஆசிரியர் கல்வி பயிற்சி நிறுவனத்தில் வழங்கப்படும். பூர்த்தி செய்த விண்ணப்பங்களை தேவையான நகல், சான்றுகளோடு வரும் ஜூலை 15-ம் தேதி மாலை 5 மணிக்குள் சமர்பிக்க வேண்டும். இவ்வாறு அவர் குறிப்பிட்டுள்ளார்.