69 ஆசிரியர்கள் தேர்வு பட்டியல் வெளியீடு- கல்வித்துறை தகவல்

புதுச்சேரி:

புதுவை கல்வித்துறை துணை இயக்குனர் (நிர்வாகம்) வெர்பினோ ஜெயராஜ் விடுத்துள்ள செய்திக்குறிப்பில் கூறப்பட்டுள்ளதாவது:-

கடந்த 19-12-2020 அன்று வெளியிடப்பட்ட அறிவிக்கையின்படி கவுரவ பயிற்சி பெற்ற பட்டதாரி ஆசிரியர் (தமிழ், தெலுங்கு, மலையாளம், இந்தி, சமஸ்கிருதம், அராபிக்) பணிகளுக்கு 69 விண்ணப்பதாரர்கள் பட்டியலிடப்பட்டு, அது கல்வித்துறையின் அதிகாரப்பூர்வ இணையதளத்தில் பதிவேற்றம் செய்யப்பட்டுள்ளது. மேலும் கல்வித்துறையின் தகவல் பலகையிலும் ஒட்டப்பட்டுள்ளது.

பட்டியலிடப்பட்ட விண்ணப்பதாரர்களின் சான்றிதழ் சரிபார்ப்பு அந்தந்த பிராந்திய கல்வித்துறை அலுவலகங்களில் வருகிற 19-ந்தேதி காலை 9.30 மணி அளவில் நடைபெறும்.

இவ்வாறு அதில் கூறப்பட்டுள்ளது.