சர்வதேச கால்பந்து போட்டியில் இருந்து ஸ்பெயின் வீரர் டேவிட் சில்வா ஓய்வு

ஸ்பெயின் கால்பந்து அணியின் முன்னணி வீரர்களில் ஒருவராக திகழ்ந்தவர் டேவிட் சில்வா. 32 வயதாகும் இவர் மான்செஸ்டர் சிட்டி அணிக்காக விளையாடி வருகிறார். ஸ்பெயின் அணிக்காக 125 போட்டிகளில் விளையாடி 35 கோல்கள் அடித்துள்ளார்.

ரஷியாவில் நடைபெற்ற உலகக்கோப்பை கால்பந்து தொடரில் ஸ்பெயின் நாக்அவுட் சுற்றோடு வெளியேறியது. இதனால் அந்த அணியின் இனியஸ்டா, பிக்காய் ஆகியோர் சர்வதேச போட்டியில் இருந்து ஓய்வு பெற்றனர். இந்நிலையில் டேவிட் சில்வாவும் ஓய்வு பெறுவதாக அறிவித்துள்ளார்.



2010-ம் ஆண்டு ஸ்பெயின் உலகக்கோப்பையை வெல்லும் போது அந்த அணியில் அட்டக்கிங் பிட்பீல்டரான டேவிட் சில்வா இடம்பிடித்திருந்தார் என்பது குறிப்பிடத்தக்கது.